Տեղեկատվական անվտանգության հարցերով փորձագետ Սամվել Մարտիրոսյանը հայտնում է վերջին օրերին Instagram-ի, Facebook-ի էջերը կոտրելու դեպքերի ավելացման մասին:
Սամվել Մարտիրոսյանը «Ֆեսյբուք» սոցիալական ցանցի իր էջում նշել է, որ ոչ միայն ադրբեջանցիների, այլեւ տեղացիների ձեռքի գործն է: Էջերը գողանում են, հետո սպառնում՝ նամակագրությունները հրապարակել, ու առաջարկում են գումարի դիմաց վերադարձնել էջը։
«Խորհուրդ է տրվում սոցցանցերի անունից եկած էլեկտրոնային նամակներում ոչ մի հղման վրա չսեղմել։ Կարեւոր հաղորդագրությունները ձեզ կգան նաեւ որպես ծանուցում հենց սոցցանցում։ Դրանից բացի, սոցցանցերում եւ էլեկտրոնային փոստում գաղտնաբառերը պետք է լինեն ունիկալ, չկրկնվեն մեկ այլ հարթակի գաղտնաբառի հետ»,-նշել է Սամվել Մարտիրոսյանը:
Խորհուրդ է տրվում սոցիալական ցանցերում միացնել երկփուլային վավերացումը։ Միացնելուց հետո չմոռանաք նաեւ բեքափ կոդերը արտագրել ու պահել պարտադիր։ Եթե ամեն դեպքում էջերը կոտրել են, ապա մասնագետը լուծումներ է առաջարկում այս բաժիններում՝ «Ինստագրամ»-ի դեպքում անցնել հետեւյալ հղմամբ https://help.instagram.com/149494825257596…, «Ֆեյսբուք»-ի դեպքում հետեւյալ՝ https://www.facebook.com/hacked :
