Նոր ուսումնական տարվա մեկնարկին ընդառաջ մարզային այցելությունների ժամանակ ԿԳՄՍ փոխնախարար Ժաննա Անդրեասյանը տեղեկացրել է, որ նոր ուսումնական տարին սկսվելու է առկա ձևաչափով՝ հակահամաճարակային կանոնների խիստ պահպանմամբ:
«Առաջին դասարանցիների համար ուստարին կմեկնարկի օգոստոսի 31-ին՝ մարդկային կուտակումները նվազեցնելու նպատակով: Փոփոխություններ կլինեն ճաշարանների գործունեության առնչությամբ. տարրական դասարաններում, առանց սահմանափակումների, կապահովվի սննդի ծրագիրը»,- փոխնախարարի խոսքը մեջբերում է «Արմենպրես»-ը:
