Չինաստանի Շանդուն նահանգի Ցինդաո քաղաքում ստեղծվել է մագնիսական բարձիկներով շարժվող գնացք, որի արագությունը հասնում է մինչև ժամում 600 կմ-ի:
Այս գնացքի նախատիպը հավաքվել էր 2019-ի մայիսին: Եղած ռեսուրսի հիման վրա 2021 թվականի հունվարին սկսվել է ամբողջ համալիրի փորձարկումը, որն ապահովում է մինչև 600 կմ/ժ արագությամբ մագնիսական բարձիկներով գնացքի տեղաշարժը, 1lurer.am-ի հաղորդմամբ, հայտնում է ՏԱՍՍ-ը:
Բացի արագությունից՝ գնացքն ունի ևս մեկ առանձնահատկություն. մագնիսական բարձիկները նվազեցնում են աղմուկը և թույլ տալիս, որ գնացքը շարժվելիս չդիպչի երկաթուղու մակերեսին:
Այժմ շուրջ 10 երկիր նման գնացքներ են մշակում:
Ներկայումս Չինաստանում երկաթուղային ուղևորատար գնացքների առավելագույն արագությունը 350 կմ/ժ է:
