Օգոստոսի 17-ից 20-ը ներառյալ՝ ժամը 10:00-ից մինչև 15:00֊ն, «Մոր և մանկան առողջության պահպանման կենտրոն» ՓԲԸ-ում Արցախի Հանրապետության առողջապահության նախարարության և «ՎԻՎԱ» բարեգործական հիմնադրամի համագործակցության շրջանակներում Հունաստանից ժամանած գինեկոլոգ-էնդոկրինոլոգ, Աթենքի ազգային համալսարանի մանկաբարձության և գինեկոլոգիայի բաժանմունքի դասախոս, բժշկական գիտությունների դոկտոր, Սոֆյա Իվանիդուի կողմից անվճար կիրականացվեն գինեկոլոգիական խնդիրներ ունեցող երեխաների ու դեռահասների, ինչպես նաև կլիմակտերիկ շրջանի խնդիրներ ունեցող կանանց հետազոտություն և խորհրդատվություն։
Այս մասին «Արցախպրես»-ին տեղեկացրեցին ԱՀ Առողջապահության նախարարությունից։
Լրացուցիչ տեղեկությունների համար քաղաքացիները կարող են դիմել Մոր և մանկան առողջության պահպանման կենտրոն:
