Ադրբեջանի ղեկավարության փոխազդեցությունն Իսրայելի հետ կարող է սպառնալիք դառնալ Ադրբեջանի գոյության համար: Այս բավականին կոշտ հայտարարությունն արել է Թավրիզում Իսլամական հեղափոխության պահապանների կորպուսի (ԻՀՊԿ) ուժերի հրամանատար Հոսեյն Պուրսմայիլը, փոխանցում է Mehr-ը:
Իրանց զինվորականը կարծում է, որ Իսրայելն է կանգնած Բաքվի հակաիրանական հայտարարությունների հետևում: Պուրսմայիլի խոսքով` Իսրայելի ուղղած սպառնալիքները, որոնք հնչում են Ադրբեջանի իշխանությունների շուրթերով, ոչ միայն հակասում են Բաքվի շահերին, այլև սպառնում են այդ երկրի գոյությանը:
«Նորագույն պատմությունը ցույց է տալիս, թե ինչպես զարգացավ այն առաջնորդների ճակատագիրը, որոնք վստահում էին ԱՄՆ-ին և իսրայելական կողմին», – ասել է Պուրսմայիլը:
Ավելի վաղ Ադրբեջանի նախագահ Իլհամ Ալիևը «Անադոլու»-ին տված հարցազրույցում անդրադարձել էր իրանական զորավարժություններից` զարմանալով, թե ինչու դրանք ավելի վաղ չէին անցկացվում: Իրանի ԱԳՆ խոսնակ Սաիդ Խատիբզադեն հայտարարել է, որ Իրանի հյուսիս-արևմուտքում զորավարժություններ անցկացնելնը երկրի ինքնիշխան իրավունքն է: Ավելի ուշ ԻՀՊԿ հրամանատարի տեղակալ Ալի Սարդար Ֆադավին Ադրբեջանի ղեկավարության արձագանքը համեմատեց երեխայի պահվածքի հետ:
