Պատմության հետագծով

-1936 թ. հուլիսի 13-ին ծնվել է Ալիսիա Կիրակոսյանը՝ հայ բանաստեղծուհի, ԱՄՆ իսպանախոս գրողների միության պատվավոր նախագահ, ՀՀ ԳԱԱ պատվավոր դոկտոր (2007)։ Ալիսիա Կիրակոսյանի պոեզիայի թեմատիկ առանցքն են սերը, մայրությունը, հայրենիքը եւ փիլիսոփայական խոհը։ Նա գերտարածական կոչվող բանաստեղծական շարժման (1969) հիմնադիրն է (տեսությունը հրապարակել է իսպաներեն, հայերեն եւ անգլերեն՝ 1992 թ.)։ Նրա պոեզիան բնորոշվում է ներաշխարհի պատկերներով, արդիական լեզվամտածողությամբ, բանաստեղծական վերաիմաստավորումների ինքնատիպությամբ։ Ալիսիա Կիրակոսյանի որոշ գրքեր նկարազարդել է Պաբլո Պիկասոն։

-1942 թ. հուլիսի 13-ին ծնվել է Հարիսոն Ֆորդը՝ ամերիկացի դերասան, խաղացել է 60-ից ավելի ֆիլմերում, որոնցից առավել նշանավորը «Աստղային պատերազմներ» ֆիլմաշարն է:

-1933 թ. հուլիսի 13-ին մահացել է Նար-Դոսը (Միքայել Զաքարի Հովհաննիսյան)՝ հայ գրող: Նար-Դոսի ստեղծագործության մեջ հիմնականը մարդն է՝ իր մարդկայնական ու բարոյական հատկություններով։ Նրան բնորոշ են արդիականության սուր զգացողությունը, գեղարվեստական վարպետությունը։ Նար-Դոսը բարձր է գնահատել գրականության դերը հասարակական կյանքում։ Այս իմաստով նա հատկապես արժեքավորել է ռեալիստական գրական մեթոդը՝ շատ խիստ խոսելով նատուրալիզմի դեմ։