Հետաքրքրական է

«Ապրեցեք երկար»՝ 1979 թ. «Հայֆիլմ» կինոստուդիայում նկարահանված ֆիլմ։ Պրեմիերան կայացել է 1979 թ. հոկտեմբերի 2-ին։ Վիկտորյան նախկին ամուսնուն խնդրում է ճանաչել երեխայի հայրությունը ու տանել նրան իր մոտ։ Սակայն Սիմոնը, ով պատրաստվում էր ամուսնանալ, հրաժարվում է ճանաչել աղջկան ու հոգալ նրա մասին։ Սիմոնի հայրը՝ Սեդրակ Սիմոնիչը, տեսնելով փոքրիկ Դոնարային, համոզվում է, որ նա իր թոռնուհին է ու համաձայնում է աղջկան վերցնել իր մոտ։

Սցենարի հեղինակներ՝ Շահեն Թաթիկյան, Ֆրունզե Դովլաթյան, բեմադրող ռեժիսոր՝ Ֆրունզե Դովլաթյան, բեմադրող օպերատոր՝ Ալբերտ Յավուրյան, բեմադրող նկարիչ՝ Ռաֆայել Բաբայան, կոմպոզիտոր՝ Մարտին Վարդազարյան, հնչյունային օպերատոր՝ Իրեն Օրդուխանյան, ռեժիսոր՝ Լ. Դավթյան, օպերատոր՝ Ս. Օրմանյան:

Դերերում.

-Արմեն Ջիգարխանյան՝ Բարոյան

-Վիոլետա Գևորգյան՝ Վիկտորյա

-Հովիկ Վանյան՝ Սիմոն

-Միքայել Դովլաթյան՝ Կիմ

-Գ. Սարգսյան՝ Դոնարա

-Թամար Հովհաննիսյան՝ Ազնիվ

-Խորեն Աբրահամյան՝ Սիսակյան

-Ներսես Հովհաննիսյան՝ Բենիկ

-Գոհար Խաչիկյան՝ Լյուսյա