Թաբուլե՝ արեւելյան աղցան, նախուտեստ։ Հիմնական բաղադրամասերն են բլղուրն ու մանր կտրտած մաղադանոսը։ Ուրիշ կարող են լինել թարխունը, լոլիկը, կանաչ սոխը եւ ուրիշ կանաչիներ ու համեմունքներ։ Թաբուլեն համեմում են նաեւ կիտրոնի հյութով ու ձիթապտղի յուղով։ Այս կերակրատեսակի հայրենիք են այնպիսի երկրներ, ինչպիսիք են Լիբանանը ու Սիրիան, այնտեղ թաբուլեն մատուցվում է աղցանի տերեւների վրա։ Բլղուրի փոխարեն օգտագործվում է ավելի փոքր հատիկներով ձավարեղեն՝ կուս-կուս։
Նախապես բլղուրի վրա (կամ կուս-կուսի) գոլ ջուր են լցնում, եւ թողնում են որոշ ժամանակ։ Մաղադանոսի տերեւները ցողուններից առանձնացնում են եւ մանր կտրտում։ Մնացած բանջարեղենները (լոլիկ, կանաչ սոխ) եւս մանր կտրտվում են։ Բուլղուրը համեմում են կիտրոնի հյութով ու ձիթապտղի յուղով, աղով, պղպեղով եւ այլ համեմունքներով, վրան ավելացնում են մաղադանոսն ու բանջարեղենները։
-Ամենաշատ թաբուլեն պատրաստել են 2006 թ. հունիսի 9-ին Ռամալլա քաղաքում՝ կշռում էր 1.5 տ-ից ավելի։ Այդ ռեկորդը գրանցվել է «Գինեսսի ռեկորդների գրքում»։
