Կուբիզմ (ֆր.՝ cubisme)՝ մոդեռնիստական հոսանք կերպարվեստում, որ սկիզբ է առել 20-րդ դարի սկզբին Ֆրանսիայում։
Այս գեղարվեստական հոսանքը սկիզբ է առել Պոլ Սեզանի այն մտքից, որ նկարիչը աշխարհին պետք է նայի գնդի կամ քառակուսու միջով։ Կուբիստական նկարչությունը 1905 թ. արդեն գերակշռող երեւույթ էր եվրոպական արվեստում։ Առաջին կուբիստական նկարը երեւույթ դարձավ փարիզյան սալոնում. նրա հեղինակը Ժորժ Բրաքն էր։ Ավելի ուշ Ժորժ Բրաքի եւ Պաբլո Պիկասոյի օրինակին են հետեւել Ջին Մեցինգերը, Ալբերտ Գլեյզեսը, Ռոբեր Դելոնեն, Հենրի Լե Ֆաուկոնիերը, Ֆերնարդ Լեգերը եւ Ժուան Գրիսը։ Կուբիզմը լայնորեն տարածում ստացավ Պոլ Սեզանի եռաչափ աշխատանքների միջոցով։
Կուբիստական նկարներում առարկաները տարրալուծված են, բաժանված մասերի եւ վերադասավորված աբստրակտ ձեւով։ Այստեղ հեղինակը առարկան ներկայացնում է մի քանի կողմից։ Ֆրանսիայում կուբիզմից են առաջացել օրֆիզմը, աբստրակցիոնիզմը, պուրիզմը, այլ երկրներում՝ ֆուտուրիզմը, սուպրեմատիզմը, Դադաիզմը, կոնստրուկտիվիզմը եւ դե ստիջլը։
