Սանտիագո տաճար (իսպ.՝ Catedral de Santiago)՝ կաթոլիկ եկեղեցի Բիլբաոյում (Իսպանիա)։ Տաճարը կառուցվել է 14-րդ եւ 15-րդ դարերում՝ որպես Բիլբաոյի գլխավոր եկեղեցի, իսկ որպես Մայր տաճար հայտարարվել է 1950 թ., երբ ստեղծվեց Բիլբաոյի կաթոլիկ թեմը։ Թեմի ծագումը երեւան է գալիս դեռեւս 1300-ից՝ քաղաքի հիմնադրման նախաշեմին։
Տաճարը նվիրվում է Սուրբ Հակոբոս առաքյալին, քանի որ Սուրբ Հակոբոսի եւ ուխտավորների Հյուսիսային ճանապարհի համար այն տարանցման կետ էր։ Ճարտարապետորեն ներկայիս շենքը ճարտարապետության ոճերի խառնուրդ Է՝ սկսած 15-րդ դարի գոթական վանքից եւ գլխավոր կամարից, որտեղ առավել հետաքրքրական են գավիթը եւ դուռը, մինչեւ գոթական ճակատն ու զանգակատունը։
Հետաքրքիր սովորություն է տեղական առեւտրականների քարե քանդակների ավելացումը՝ հիմնական կամարի երկայնքով։
