Բրյուսելի մայր տաճար՝ տաճար Բրյուսելում, Բելգիայում։ Գոթական արվեստի ամենացայտուն օրինակներից մեկն է։
Լյովենի դուքս Լամբերտ 2-րդը 1047 թ. սուրբ Գուդուլայի մասունքները տեղափոխեց Սուրբ Միքայել հրեշտակապետի եկեղեցի եւ այնտեղ կապիտուլ հիմնեց։ Դրանից հետո ամրագրվեց «Սուրբ Միքայելի եւ Սուրբ Գուդուլայի եկեղեցի» անվանումը, որը հետագայում զարգացավ եւ դարձավ «Սուրբ Միքայելի եւ Սուրբ Գուդուլայի տաճար»։ Այդ տաճարի սրբերը նաեւ Բելգիայի մայրաքաղաքի սրբերն են։ 1200 թ. Բրաբանտի հերցոգ Հենրի 2-րդը որոշեց կառույցի ոճը փոխել՝ դարձնելով գոթական, վերնատների կառուցման աշխատանքները շարունակվեցին 1226-ից մինչեւ 1276 թ.։ 1450 թ. ճակատային մասի կառուցումը հիմնականում ավարտված էր, իսկ 1485 թ. ավարտին հասցվեց նաեւ ներքին մասը։ 1983-1999 թթ. անցկացվեցին ռեստավրացիոն աշխատանքներ։
1995 թ. տաճար այցելեց Հովհաննես Պողոս 2-րդը։ 1999 թ. տաճարում տեղի ունեցավ Ֆիլիպի եւ Մաթիլդայի պսակադրության արարողությունը։ 2003 թ. տաճարում տեղի ունեցավ արքայազն Լորեն Բելգիացու եւ արքայադուստր Քլեր Քոոմբսի պսակադրությունը։
