Լյուքսեմբուրգյան Աստվածամոր տաճարը Լյուքսեմբուրգի հարավային հատվածում գտնվող հռոմեական-կաթոլիկ մայր տաճարն է։ Ի սկզբանե այն եղել է Հիսուսյանների տաճար՝ կառուցված 1613-1621 թթ. ճարտարապետ Ժ. Դյու Բլոկի կողմից։
Տաճարը վաղ գոթական ճարտարապետության վառ օրինակ է, սակայն այն վերածննդի ճարտարապետությունից շատ տարրեր եւ զարդարանքներ է պարունակում։ Տաճարը զարդարում են հարուստ խորանները, որոնք պարունակում են մավրիտանական ոճային տարրեր։ 18-րդ դարի վերջում տաճարն ստացավ Աստվածամոր հրաշագործ կերպարը՝ սգավորների մխիթարիչ, ինչն էլ համարվում է քաղաքի եւ ժողովրդի հովանավորը։ Ներկա ժամանակում այդ կերպարը տաճարի հարավային հատվածում է եւ ուխտագնացության վայր է։ Ամեն տարի Սուրբ Զատիկից հետո հինգերորդ կիրակի օրը այստեղ տոնվում Սուրբ Լյուքսեմբուրգյան Կույսի օրը։
Կառուցումից հետո մոտավորապես 50 տարի շարունակ տաճարը կոչվում էր Սուրբ Մարիայի տաճար, իսկ 1870 թ. Հռոմի պապ Պիոս 9-րդը այն օծեց որպես Աստվածամոր տաճար։
Տաճարում կան բազմաթիվ քանդակներ, Լյուքսեմբուրգի Մեծ հերոսների կրիպտե-գերեզմաններ, որոնց մուտքը հսկում են երկու բրոնզե առյուծներ, ինչպես նաեւ Բոհեմիայի թագավորի ու Լյուքսեմբուրգյան կոմս Հովհաննես Կույրի դամբարանները։
