-1825 թ. նոյեմբերի 5-ին ծնվել է Միքայել Լորիս-Մելիքովը՝ ռազմական եւ պետական գործիչ, գեներալ-համհարզ (1865), հեծելազորի գեներալ (1875), Ռուսաստանի Պետական խորհրդի անդամ (1879), Կովկասի փոխարքայի պաշտոնակատար (1880), Ռուսաստանի վարչապետ-դիկտատոր (1880-1881), Ռուսաստանի ներքին գործերի նախարար (1881), Ռուսաստանի գիտությունների կայսերական ակադեմիայի ակադեմիկոս (1880)։ Արժանացել է Ռուսաստանի բարձրագույն՝ Սուրբ Անդրեյ Նախավկայի շքանշանի (1. 11. 1880), (մահ.՝ 1888 թ.):
-1840 թ. նոյեմբերի 5-ին ծնվել է Գարեգին Սրվանձտյանը՝ հայ նշանավոր բանասեր-բանահավաք, ազգագրագետ, հասարակական գործիչ (մահ.՝ 1892 թ.):
-1912 թ. նոյեմբերի 5-ին Ամերիկայի Միացյալ Նահանգների նախագահ է ընտրվում Վուդրո Վիլսոնը:
-1914 թ. նոյեմբերի 5-ին Ֆրանսիան եւ Բրիտանական կայսրությունը պատերազմ են հայտարարում Օսմանյան կայսրությանը:
-1927 թ. նոյեմբերի 5-ին ծնվել է Վանուշ Խանամիրյանը՝ պարի պետական անսամբլի մենակատար, գեղարվեստական ղեկավար։ ՀԽՍՀ ժողովրդական արտիստ (1963)։
-1938 թ. նոյեմբերի 5-ին ծնվել է Ջո Դասենը՝ ամերիկյան ծագումով ֆրանսիացի երգիչ:
