-1725 թ. փետրվարի 8-ին մահացել է Պետրոս Առաջինը՝ Մոսկովյան պետության թագավոր (ցար) Ռոմանովների հարստությունից (1682-ից), համայն Ռուսիո առաջին կայսր (1721-ից)։ Ռուսական պատմագրության կողմից համարվում է 18-րդ դարում Ռուսաստանի զարգացման ուղղությունը կանխորոշած նշանավոր պետական գործիչներից մեկը (ծնվ.՝ 1672 թ.):
-1828 թ. փետրվարի 8-ին ծնվել է Ժյուլ Վեռնը՝ ֆրանսիացի աշխարհագրագետ եւ գրող, արկածային գրականության դասական, գիտաֆանտաստիկ գրականության հիմնադիրներից մեկը։ Ֆրանսիական աշխարհագրական ընկերության անդամ։ Նրա ստեղծագործություններից շատերը թարգմանվել են հայերեն՝ ունենալով բազմաթիվ վերահրատարակություններ (վախճ.՝ 1905 թ.):
-1834 թ. փետրվարի 8-ին ծնվել է Դմիտրի Մենդելեեւը՝ ռուս ճանաչված գիտնական, քիմիկոս, բացահայտել է քիմիական տարրերի Պարբերական համակարգը (մահ.՝ 1907 թ.):
-1877 թ. փետրվարի 8-ին ծնվել է Ստեփան Քափանակյանը՝ հայ ռեժիսոր, թարգմանիչ, ասմունքող, բեմադրիչ (մահ.՝ 1944 թ.)։
-1928 թ. փետրվարի 8-ին ծնվել է Վյաչեսլավ Տիխոնովը՝ խորհրդային եւ ռուս դերասան, ԽՍՀՄ ժողովրդական արտիստ:
