Պատմության հետագծով

-1867 թ. մարտի 25-ին ծնվել է Արտուրո Տոսկանինին՝ իտալացի դիրիժոր։ Հայտնի է հատկապես Ջուզեպպե Վերդիի եւ Ռիհարդ Վագների երաժշտության կատարմամբ։ Տոսկանինին համարվում է 19-րդ դարի վերջի եւ 20-րդ դարի առաջին կեսի առավել հռչակավոր երաժիշտներից մեկը, աչքի է ընկել իր եռանդուն երաժշտական գործունեությամբ, պերֆեկցիոնիզմով, գործիքավորման յուրաքանչյուր մանրուքի նկատմամբ ուշադրության դրսեւորմամբ ու պարտիտուրի հնչեղության ընդգծմամբ, ինչպես նաեւ երաժշտությունը վերարտադրելու գործում լուսանկարչական հիշողությամբ։ Տարբեր ժամանակներում եղել է Միլանի «Լա Սկալա», Նյու Յորքի «Մետրոպոլիտեն օպերա» թատրոնների, Նյու Յորքի ֆիլհարմոնիկ նվագախմբի ղեկավարը։ Իր կարիերայի ավելի ուշ շրջանում նշանակվել է NBC-ի սիմֆոնիկ նվագախմբի աառաջին երաժշտական ղեկավարը (1937-54)՝ օպերային եւ սիմֆոնիկ ռեպերտուարի իր բազմաթիվ ռադիո- ու հեռուստատեսային հեռարձակումների եւ ձայնագրությունների միջոցով մեծ հռչակ ձեռք բերելով ԱՄՆ-ում (մահ.՝ 1957 թ.)։

-1881 թ. մարտի 25-ին ծնվել է Բելա Բարտոկը՝ հունգ. դաշնակահար եւ կոմպոզիտոր (մահ.՝ 1945 թ.)։

-1908 թ. մարտի 25-ին ծնվել է Դեւիդ Լինը՝ բրիտանացի հայտնի ռեժիսոր, ստացել է Սըր կոչումը, Օսկարի կրկնակի դափնեկիր (մահ.՝ 1991 թ.):

-1918 թ. մարտի 25-ին մահացել է Կլոդ Դեբյուսին՝ ֆրանս. կոմպոզիտոր (ծնվ.՝ 1862 թ.)։

-1933 թ. մարտի 25-ին ծնվել է Պարույր Մուրադյանը՝ հայագետ, աղբյուրագետ եւ կովկասագետ:

-1969 թ. մարտի 25-ին մահացել է Մաքս Իսթմենը՝ ամեր. բանաստեղծ (ծնվ.՝ 1883 թ.)։

-1973 թ. մարտի 25-ին մահացել է  Տիգրան Հախումյանը՝ հայ բանաստեղծ, գրականագետ, թարգմանիչ (ծնվ.՝ 1894 թ.)։