Պատմության հետագծով

-1629 թ. մայիսի 5-ին մահացել է Շիմոն Շիմոնովիչը՝ հայկական ծագումով լեհ բանաստեղծ:

-1818 թ. մայիսի 5-ին ծնվել է Կառլ Մարքսը՝ գերմանացի նշանավոր փիլիսոփա, տնտեսագետ, մարքսիզմի հիմնադիրը (մահ.՝ 1883 թ.):

-1821 թ. մայիսի 5-ին մահացել է Նապոլեոն Բոնապարտը՝ 1804-1815 թթ. ֆրանսիացիների կայսրը:

-1846 թ. մայիսի 5-ին ծնվել է Հենրիկ Սենկեւիչը՝ լեհ գրող, 1905 թ. արժանացել է Գրականության Նոբելյան մրցանակի։

-1939 թ. մայիսի 5-ին ծնվել է Ռուբեն Հովսեփյանը՝ գրող:

-1972 թ. մայիսի 5-ին մահացել է Մարտիրոս Սարյանը՝ հայ նկարիչ, ԽՍՀՄ ժողովրդական նկարիչ (1960), ԽՍՀՄ Գեղարվեստի ակադեմիայի իսկական անդամ (1947), ՀԽՍՀ ԳԱ ակադեմիկոս (1956), Սոցիալիստական աշխատանքի հերոս (1965), ՀԽՍՀ նկարիչների միության նախագահ (1945-1951)։

-1994 թ. մայիսի 5-ին մահացել է Վաղարշակ Էլիբեկյանը՝ հայ նկարիչ, Վրաստանի մշակույթի վաստակավոր գործիչ (1968)։ ՀՀ արվեստի վաստակավոր գործիչ Հենրի եւ ՀՀ ժողովրդական նկարիչ Ռոբերտ Էլիբեկյանների հայրն է։