Պատմության հետագծով

-1753 թ. մայիսի 12-ին մահացել է Մինաս Ա Ակնեցին՝ Ամենայն հայոց կաթողիկոս:

-1884 թ. մայիսի 12-ին մահացել է Բեդրժիխ Սմետանան՝ չեխ կոմպոզիտոր:

-1921 թ. մայիսի 12-ին ծնվել է Էդվարդ Միրզոյանը՝ հայ կոմպոզիտոր, մանկավարժ, ՀՀ եւ ԽՍՀՄ ժողովրդական արտիստ, մշակութային, հասարակական գործիչ։ Գրել է հիմնականում կամերային գործեր, խմբերգեր, ռոմանսներ, մանկական օպերային պատկերներ, երգեր («Տո­նա­ծառ ջան, տո­նա­ծառ», «Ծի­տի­կի եր­գը» եւ այլն)։

-1933 թ. մայիսի 12-ին ծնվել է Անդրեյ Վոզնեսենսկին՝ ռուս բանաստեղծ, արձակագիր, նկարիչ, ճարտարապետ։ Նշանավոր վաթսունականներից է։ ԽՍՀՄ պետական մրցանակի (1978 թ.) եւ ՌԴ կառավարության մրցանակի (2010 թ., հետմահու) դափնեկիր։

-1941 թ. մայիսի 12-ին ծնվել է Ռուդոլֆ Վաթինյանը՝ կինոօպերատոր:

-2006 թ. մայիսի 12-ին իրանական թերթում ադրբեջաներենը ծաղրող նկարի տպագրության պատճառով տեղի են ունենում ազերիների զանգվածային ցույցեր:

-2014 թ. մայիսի 12-ին մահացել է Սվետլանա Գրիգորյանը՝ հայ անվանի դերասանուհի։ ՀԽՍՀ ժողովրդական արտիստ։ Երաժշտական կոմեդիայի թատրոն հրավիրվելով 1949 թ., Սվետլանա Գրիգորյանը անմիջապես ցուցադրեց իր ողջ տաղանդն ու հմայքը եւ դարձավ հանդիսատեսի հոգու տիրակալը։ Իր անձնավորած կերպարներից շատերն ու գլխավորները դերասանուհին կերտեց մեծանուն Վարդան Աճեմյանի անմիջական աջակցությամբ, նրա ղեկավարությամբ ու խորհուրդներով։ Հիսունհինգ տարի խաղացել է Կարպ Խաչվանքյանի հետ։ Խաղացել է հարյուրից ավելի դերեր։ Հեռուստաթատրոնի հիմնադիրներից է (1956 թ.)։