«Թթենի»՝ 1979 թ. նկարահանված հայկական ֆիլմ, Զորայր Խալափյանի համանուն պատմվածքի էկրանավորումն է։ Սամսոնն ու Գասպարը հարեւաններ են։ Երկուսն էլ բազմազավակ ընտանիքի հայրեր են. մեկը միայն աղջիկներ ունի, մյուսը՝ միայն տղաներ։ Նրանց բակում գտնվող թթենին դառնում է վեճի պատճառ։
Ռեժիսորներ՝ Գենադի Մելքոնյան, Լ Դավթյան, սցենարի հեղինակ՝ Էդուարդ Ակոպով:
Դերերում.
-Սամսոն՝ Ռազմիկ Արոյան
-Գասպար՝ Լեոնիդ Սարկիսով
-Աելիտա՝ Նոնա Պետրոսյան
-Շուշան՝ Թամար Հովհաննիսյան
-երեխաներ՝ Ն. Ալավերդյան, Մ. Պողոսյան, Ա. Ալավերդյան, Տ. Նուրբեկյանց, Բ. Անանյան, Ա. Աթաբեկյան, Ա. Աճեմյան, Ա. Հայրումյան։ Դերասանուհի Թամար Հովհաննիսյանը՝ Շուշանի դերակատարը, հետագայում պատմել է. «Ես Գենադիին հարցրի՝ ինչի մասին է ֆիլմը, երեւի՝ որ կյանքը կարճ է, կարիք չկա մանր-մունր պատճառներով կռվել, չնչին հոգսերով իրար մաշել, պետք է սիրել, իրար հետ լավ լինել։ Լռեց-լռեց, ապա ժպտալով ասաց. «Իսկ եթե՝ հակառա՞կը. որ կյանքը հենց դա է՝ մանր-մունր վեճերով, թթի ծառի համար կռիվ տալով… Որ պետք է կռվեն, որպեսզի հետո հաշտվեն…»:
