Ռուսաստանի արտգործնախարար Սերգեյ Լավրովն Ուկրաինայի նախագահ Վլադիմիր Զելենսկիին առաջարկել է վերանայել «Ժողովրդի ծառա» սերիալը, որում գլխավոր դերակատարը գործող նախագահն է, և վերհիշել այն կարգախոսները, որոնցով Զելենսկին իշխանության եկավ 2019 թվականին:
Ռուսաստանի դիվանագիտական ծառայության ղեկավարը մեկնաբանել է Զելենսկիի վերջին հայտարարությունը, թե Դոնբասի՝ իրենց ռուս համարող բնակիչները պետք է տեղափոխվեն Ռուսաստան:
«Սա ընդհանրապես վրդովվեցուցիչ է», – շեշտել է նախարարը,-«Սա մի մարդ է, որն իշխանության է եկել այն կարգախոսներով, որոնք նա, ըստ էության, առաջ էր տանում «Ժողովրդի ծառան» սերիալում իր ստեղծագործական գործունեության ընթացքում: Ես խորհուրդ կտայի պարոն Զելենսկիին վերանայել այս սերիալը և հիշել իրեն այնպիսին, երբ իր գաղափարներն արտահայտում էր՝ օգտագործելով արվեստի մեթոդները: Նա դա անում էր շատ ավելի լավ, քան այն, ինչ մենք հիմա տեսնում ենք»:
