-1942 թ. սեպտեմբերի 9-ին ծնվել է Ռաֆայել Քոթանջյանը՝ թատրոնի եւ կինոյի հայ նշանավոր դերասան։ 1980 թ. արժանացել է ՀԽՍՀ վաստակավոր արտիստի, 2003 թ.՝ ՀՀ ժողովրդական արտիստի կոչման, պարգեւատրվել է ՀՀ մշակույթի նախարարության ոսկե եւ ՀՀ «Մովսես Խորենացի» մեդալներով: Երեւանի պատվավոր քաղաքացի է:
-1850 թ. սեպտեմբերի 9-ին Կալիֆորնիան դառնում է Միացյալ Նահանգների 31-րդ նահանգը:
-1922 թ. սեպտեմբերի 9-ին թուրքերի հաղթանակով ավարտվում է հույն-թուրքական պատերազմը:
-1923 թ. սեպտեմբերի 9-ին Միացյալ Նահանգներում ստեղծվում է NBC ազգային հեռուստաընկերությունը:
-1948 թ. սեպտեմբերի 9-ին Կիմ Իր Սենը հայտարարում է Կորեայի Ժողովրդա-Դեմոկրատական Հանրապետության ստեղծման մասին:
-1969 թ. սեպտեմբերի 9-ին Կանադայում ուժի մեջ է մտնում անգլերենի հետ հավասար ֆրանսերենի գործածության մասին օրենքը:
-1991 թ. սեպտեմբերի 9-ին Տաջիկստանն անկախանում է Խորհրդային Միությունից։
-1828 թ. սեպտեմբերի 9-ին ծնվել է Լեւ Տոլստոյը՝ ռուս եւ համաշխարհային խոշորագույն գրողներից ու մտածողներից մեկը, 1854-1855 թթ. Սեւաստոպոլի պաշտպանության մասնակից։ Լուսավորական, հրապարակախոս, կրոնական մտածող, ում հեղինակավոր կարծիքն առաջացրել է կրոնաբարոյական նոր հոսանք՝ տոլստոյականություն։ Կայսերական գիտությունների ակադեմիայի թղթակից-անդամ (1873), բելետրիստիկայի պատվավոր ակադեմիկոս: Առավել հայտնի են Տոլստոյի այնպիսի ստեղծագործություններ, ինչպիսիք են «Պատերազմ եւ խաղաղություն», «Աննա Կարենինա», «Հարություն» վեպերը:
-1912 թ. սեպտեմբերի 9-ին ծնվել է Աբրահամ Աբրահամյանը՝ ռադիոտեխնիկայի գիտնական (մահ.՝ 1988 թ.):
-1927 թ. սեպտեմբերի 9-ին ծնվել է Մարգո Մուրադյանը՝ դերասանուհի:
-1933 թ. սեպտեմբերի 9-ին ծնվել է Էրիկ Հարությունյանը՝ կոմպոզիտոր:
