-2005 թ. նոյեմբերի 18-ին մահացել է Արմեն Աբաղյանը՝ հայ ատոմային էներգետիկայի բնագավառի գիտնական, տեխնիկական գիտությունների դոկտոր (1977), պրոֆեսոր (1985), Ռուսաստանի գիտությունների ակադեմիայի թղթակից-անդամ (1997)։ Ուզբեկական ԽՍՀ գիտության եւ տեխնիկայի վաստակավոր գործիչ։
-1626 թ. նոյեմբերի 18-ին Սուրբ Պետրոսի մայր տաճարը օծում է Հռոմի պապ Ուրբանոս VIII-ը:
-1918 թ. նոյեմբերի 18-ին Լատվիան անկախություն հայտարարեց (Ռուսաստանից):
-1945 թ. նոյեմբերի 18-ին Իրանական Ադրբեջանում սկսվում է համայնավարների հրահրած հակապետական ապստամբությունը:
-1954 թ. նոյեմբերի 18-ին գեներալ Գամալ Աբդել Նասերը դառնում է Եգիպտոսի վարչապետ:
-2000 թ. նոյեմբերի 18-ին ընդդիմության բազմահազար ցույց Բաքվի կենտրոնում՝ իշխող «Նոր Ադրբեջան» կուսակցության դեմ:
-1421 թ. նոյեմբերի 18-ին Նիդերլանդներում ջրհեղեղի հետեւանքով մահացավ մոտ 10000 մարդ։
-1624 թ. նոյեմբերի 18-ին մահացել է Յակոբ Բյոմեն՝ գերմանացի քրիստոնեական միստիկ, տեսանող եւ աստվածաբան (ծնվ.՝ 1575 թ.)։
-1723 թ. նոյեմբերի 18-ին հիմնադրվեց Եկատերինբուրգ քաղաքը։ Խոշոր քաղաք Ռուսաստանի կենտրոնական մասում, Ուրալյան լեռնաշղթայի Միջին Ուրալ կոչվող հատվածի արեւելյան կողմում, Իսետ գետի ափին։ Ուրալյան դաշնային շրջանի եւ Սվերդլովսկի մարզի վարչական, արդյունաբերական, գիտակրթական ու մշակութային կենտրոնն է։
-1877 թ. նոյեմբերի 18-ին ծնվել է Արթուր Սեսիլ Պիգուն՝ անգլիացի տնտեսագետ։ Մահացել է 1959 թ. Քեմբրիջում։
-1962 թ. նոյեմբերի 18-ին մահացել է Նիլս Բորը՝ դանիացի ականավոր ֆիզիկոս եւ հասարակական-քաղաքական գործիչ։ Ստեղծել է ատոմի առաջին քվանտային տեսությունը եւ հետագայում ամենաակտիվ մասնակցությունն է ունեցել քվանտային մեխանիկայի հիմունքների մշակման գործում, որի համար էլ 1922 թ. արժանացել է Նոբելյան մրցանակի ֆիզիկայի բնագավառում։ Բորը միաժամանակ մեծ ավանդ ունի նաեւ ատոմային միջուկի եւ միջուկային ռեակցիաների տեսության մեջ։ Նա, մասնավորապես, զարգացրել է ատոմային միջուկների բաժանման տեսությունը:
