Պատմության հետագծով

-1876 թ. դեկտեմբերի 11-ին Թուրքիայում հրապարակվեց սահմանադրություն, որը մեծ վեզիր Միդհատի անունով կոչվեց Միդհատյան:

-1946 թ. դեկտեմբերի 11-ին Միավորված ազգերի ընդհանուր ասամբլեայի կողմից ընդունված 96 (1) որոշումը՝ Ռաֆայել Լեմկինի դրդմամբ, առաջին անգամ ճանաչում է ցեղասպանությունը որպես միջազգային ոճիր։

-1932 թ. դեկտեմբերի 11-ին ծնվել է Արման Քուչուկյանը՝ ՀԽՍՀ եւ ՀՀ գիտության գործիչ, ՀՀ ԳԱԱ ակադեմիկոս (1996)։

-1939 թ. դեկտեմբերի 11-ին ծնվել է Գրետա Գալստյանը՝ հայ դերասանուհի։ ՀԽՍՀ վաստակավոր արտիստ (1983):

-1816 թ. դեկտեմբերի 11-ին Ինդիանան դարձավ ԱՄՆ-ի 19-րդ նահանգը։

-1843 թ. ծնվել է Ռոբերտ Կոխը՝ գերմանացի մանրէաբան, բակտերիաբանության եւ համաճարակաբանության հիմնադիրներից մեկը, Նոբելյան մրցանակակիր (մահ.՝ 1910 թ.):

-1913 թ. դեկտեմբերի 11-ին ծնվել է Ժան Մարեն՝ ֆրանսիացի ճանաչված դերասան, հայտնի է առավելապես «Ֆանտոմասի» մասին ֆիլմաշարից (մահ.՝ 1998 թ.)։

-1937 թ. դեկտեմբերի 11-ին գնդակահարվեց Գայը (Հայկ Բժշկյանց)՝ հայկական 6-րդ կամավորական գնդի հրամանատար, ԽՍՀՄ ԶՈՒ հայազգի հրամանատար, Ռուսաստանի քաղաքացիական պատերազմի հերոս, սովետա-լեհական պատերազմի մասնակից, Հայաստանի ժողկոմ (1922 թ.), կորպուսի հրամանատար (1935 թ., հիմա՝ գեներալ-գնդապետ), պրոֆեսոր (1933-ից)։ Իր դիվիզիայի կարմիր բանակայինները դժվարանում էին արտասանել նրա Հայկ անունը եւ Բժշկյանց ազգանունը, եւ խնդրել են իրենց հրամանատարին՝ դիմելու նրան Գայ մականունով, որն ավելի հեշտ էր արտասանվում:

-1946 թ. դեկտեմբերի 11-ին ՄԱԿ-ին կից ստեղծվեց ՅՈՒՆԻՍԵՖ-ը՝ երեխաների պաշտպանության միջազգային կոմիտեն։ ՅՈՒՆԻՍԵՖ-ը հիմնված է կառավարությունների եւ մասնավոր դոնորների ներդրումների վրա։ 1965 թ. ՄԱԿ-ի Մանկական հիմնադրամը ստացավ Խաղաղության Նոբելյան մրցանակ։