Պատմության հետագծով

-1834 թ. փետրվարի 8-ին ծնվել է Դմիտրի Մենդելեեւը՝ ռուս գիտնական-հանրագետ, քիմիկոս, ֆիզիկաքիմիկոս, ֆիզիկոս, երկրաբան, տնտեսագետ, նավթային մասնագետ, չափագետ, սարքաշինարար, տեխնոլոգ, բազմակողմանի գիտնական, ուսուցիչ, գյուտարար։ Սանկտ Պետերբուրգի համալսարանի պրոֆեսոր, Սանկտ Պետերբուրգի գիտությունների ակադեմիայի թղթակից անդամ։ 1869 թ. բացահայտել է քիմիական տարրերի պարբերականության օրենքը՝ բնագիտության հիմնական օրենքներից մեկը։ Թողել է մոտ 500 տպագիր աշխատություններ, որոնց մեջ է դասական «Քիմիայի հիմունքները»՝ առաջին կառուցվածքային շարադրանքը անօրգանական քիմիայից։ Դ. Ի. Մենդելեեւը գիտության շատ բնագավառների հիմնարար հետազոտությունների հեղինակ է, ինչպիսիք են քիմիան, քիմիական տեխնոլոգիաները, ֆիզիկան, չափագիտությունը, օդագնացությունը, օդերեւութաբանությունը, գյուղատնտեսությունը, տնտեսագիտությունը եւ այլ գիտություններ, որոնք սերտորեն կապ ունեին Ռուսաստանի արտադրողական ուժերի զարգացման կարիքների հետ։ Նա դրել է լուծույթների տեսության հիմքը, առաջարկել է նավթի բաժանման ֆրակցիոն մեթոդը, հայտնագործել է անծուխ վառոդի տեսակներից մեկը, քարոզել է հանքանյութերի օգտագործումը, երաշտային հողերի ոռոգումը։ 1865-1890 թթ. եղել է Պետերբուրգի համալսարանի պրոֆեսոր։

-1877 թ. փետրվարի 8-ին ծնվել է Ստեփան Քափանակյանը՝ հայ ռեժիսոր, թարգմանիչ, ասմունքող, բեմադրիչ, Վրացական ԽՍՀ արվեստի վաստակավոր գործիչ (1941 թվական)։

-1879 թ. փետրվարի 8-ին կանադացի ճարտարագետ Սենդֆորդ Ֆլեմինգը առաջարկեց երկրագունդը բաժանել ժամային գոտիների:

-1883 թ. փետրվարի 8-ին ծնվել է Ջոզեֆ Շումպետերը՝ ավստրիացի եւ ամերիկացի տնտեսագետ, քաղաքագետ, հասարակագետ եւ տնտեսագիտական մտքի պատմաբան։ Զարգացրել ու տարածել է Վերներ Զոմբարտի ստեղծած «ստեղծարար քանդման» տեսությունն ու եզրույթը (տերմին) տնտեսագիտության բնագավառում, ինչպես նաեւ «ընտրախավային (էլիտար) ժողովրդավարության» տեսությունն ու եզրույթը քաղաքագիտության բնագավառում։

-1929 թ. փետրվարի 8-ին ռուս ավիակոնստրուկտոր Նիկոլա Կամովն իր ստեղծած թռչող սարքը անվանեց ուղղաթիռ եւ այդպիսով այդ բառը գործածության մեջ մտավ:

-1963 թ. փետրվարի 8-ին Իրաքում ռազմական հեղաշրջում կատարվեց:

-1724 թ. փետրվարի 8-ին Սանկտ Պետերբուրգում Պետրոս I-ի հրամանով հիմնվեց Ռուսական կայսրության գիտությունների ազգային ակադեմիան:

-1828 թ. փետրվարի 8-ին ծնվել է Ժյուլ Վեռնը՝ ֆրանսիացի աշխարհագրագետ եւ գրող, արկածային գրականության դասական, գիտաֆանտաստիկ գրականության հիմնադիրներից մեկը։ Ֆրանսիական աշխարհագրական ընկերության անդամ։ Նրա ստեղծագործություններից շատերը թարգմանվել են հայերեն՝ ունենալով բազմաթիվ վերահրատարակություններ։