Հայաստանի ֆուտբոլի ազգային թիմի կիսապաշտպան Հենրիխ Մխիթարյանը երկու տարվա պայմանագիր կկնքի «Ռոմայի» հետ: Այս մասին գրում է «Alfredopedulla.com»-ը: Եվ դա՝ անկախ այն փաստից, որ «Ռոմայի» գլխավոր մարզչի պաշտոնը նոր մրցաշրջանում կզբաղեցնի պորտուգալացի մասնագետ Ժոզե Մոուրինյոն, ում հետ հայ ֆուտբոլիստի աշխատանքը չստացվեց անգլիական «Մանչեսթեր Յունայթեդում»:
Ավելի վաղ լուրեր կային, որ իտալական «Յուվենթուսը» հետաքրքրված է Մխիթարյանով: Թուրինյան ակումբն արդեն իսկ սկսել էր բանակցությունները Մխիթարյանի ներկայացուցչի հետ: Նշվում են նաեւ այլ ակումբների անուններ:
Ավելացնենք, որ անցած մրցաշրջանի արդյունքներով Հենրիխ Մխիթարյանն ընդգրկվել է «A» սերիայի խորհրդանշական հավաքականի կազմում: Նա նաեւ թիմի գլխավոր ռմբարկուն է. խփել է 13 գոլ:
