Գրոսմայստեր Լեւոն Արոնյանը շարունակում է ելույթները «FTX Crypto Cup» առցանց մրցաշարում: Արագ շախմատի հեռավար այս մրցաշարի 6-10-րդ տուրերում Արոնյանը տոնեց երկու հաղթանակ, տարավ երկու պարտություն եւ մեկ պարտիա ավարտեց ոչ-ոքի: 10-րդ տուրում Արոնյանը սպիտակ խաղաքարերով հաղթեց աշխարհի գործող չեմպիոն նորվեգացի Մագնուս Կառլսենին: 10 հնարավորից հավաքելով 4,5 միավոր՝ Արոնյանն այժմ 12-րդն է: Առաջատարները երեքն են` Կարուանա, Նակամուրա, Ռաջաբով. նրանք ունեն 6,5-ական միավոր:
«FTX Crypto Cup»-ն աշխարհի չեմպիոն Մագնուս Կառլսենի կողմից կազմակերպված «Champions Chess Tour»-ի շրջանակներում անցկացվող հերթական առցանց մրցաշարն է, որին մասնակցում են 16 շախմատիստներ: Այն բաղկացած է 15 տուրից: Մրցանակային ֆոնդը կազմում է 320.000 հազար դոլար:
Արոնյանը դեռեւս հանդես է գալիս Հայաստանի դրոշի ներքո: Օրեր առաջ նա հայտարարություն է տարածել, որում տվել է վերջին շրջանում իր անձի հետ կապված շրջանառվող հարցերի պատասխանները. Արոնյանը հեռանում է Հայաստանից: Նա կմիանա ԱՄՆ հավաքականին:
