Ֆուտբոլի Եվրոպայի առաջնության քառորդ եզրափակչի շրջանակներում միմյանց դեմ մրցեցին Չեխիան եւ Դանիան:
Հանդիպման մեկնարկից ընդամենը 5 րոպե անց անց Դանիան բացեց խաղի հաշիվը: Աչքի ընկավ Թոմաս Դիլեյնին: Չեխերը բաց թողած գնդակից հետո երբեմն-երբեմն հակագրոհում էին, սակայն խաղակեսի վերջնամասում հաշվի առավելությունը կրկնապատկեց Դանիան: Գոլն իր ակտիվում գրանցեց Դոլբերգը:
Երկրորդ խաղակեսի սկզբում չեխերը շատ ակտիվ էին եւ գոլը երկար սպասեցնել չտվեց: Դիպուկ հարվածով հաշվի տարբերությունը կրճատեց Շիկը: Հավաքականները փոխադարձաբար գրոհում էին, սակայն անարդյունք: Ի վերջո Դանիան հաղթեց Չեխիային 2:1 հաշվով:
Կիսաեզրափակիչում Դանիան կմրցի Ուկրաինա-Անգլիա զույգի հաղթողի հետ:
