Ռուսական Սոչի քաղաքում շարունակվում է շախմատի աշխարհի գավաթի խաղարկության հանդիպումները:
3-րդ փուլում Հայաստանի ներկայացուցիչներից Հայկ Մարտիրոսյանը մրցում է Ադրբեջանի ուժեղագույն շախմատիստ Շահրիյար Մամեդյարովի հետ: Այս զույգի հաղթող պարզ կդառնա թայ-բրեյքում: Գրոսմայստերները տոնել են մեկական հաղթանակ:
Պայքարից դուրս են մնացել Գաբրիել Սարգսյանը, Շանթ Սարգսյանը, Հովհաննես Գաբուզյանը եւ Էլինա Դանիելյանը: Իսկ ավելի վաղ հայտնի էր դարձել, որ գրոսմայստեր Լեւոն Արոնյանն առհասարակ չի մասնակցի աշխարհի գավաթի խաղարկությանը առողջական խնդիրների պատճառով: Արոնյանն աշխարհի գործող գավաթակիրն է:
Շախմատի աշխարհի գավաթի խաղարկությունն այս տարի անցկացվում է ռուսաստանյան Սոչի քաղաքում: Տղամարդկանց մրցաշարին մասնակցում են 206, իսկ կանանց մրցաշարին՝ 103 մասնակից: Այն կեզրափակվի օգոստոսի 6-ին:
