Պատմության հետագծով

-1938 թ. հոկտեմբերի 2-ին ծնվել է Վլադիկ Ներսեսյանցը՝ ռուսաստանյան գիտնական-իրավաբան, իրավունքի փիլիսոփայության, քաղաքական եւ իրավական ուսմունքների մասնագետ։ Իրավունքի փիլիսոփայության, պետության եւ իրավունքի տեսության, քաղաքական եւ իրավական ուսմունքներին վերաբերող աշխատությունների հեղինակ, պետության եւ իրավունքի տեսության լիբերտար-իրավաբանական բնօրինակ փիլիսոփա-իրավական կոնցեպցիայի մշակող։

-1869 թ. հոկտեմբերի 2-ին ծնվել է Մահաթմա Գանդին՝ Հնդկաստանի քաղաքական եւ հոգեւոր առաջնորդ, Հնդկաստանի` Մեծ Բրիտանիայից անկախանալու շարժման ղեկավարներից եւ գաղափարախոսներից։ Մահաթմա Գանդին ապրել է չափազանց համեստ կյանքով։ Նա ընդունում էր գերազանցապես բուսական սնունդ, հաճախ էլ ոչինչ չէր ուտում ինքնամաքրման եւ սոցիալական բողոքի համար։ Նրա տարեդարձը՝ հոկտեմբերի 2-ը, Հնդկաստանում նշվում է իբրեւ Գանդի Ջայանտի ազգային տոն, իսկ աշխարհում՝ «Ոչ բռնությանը» միջազգային օր։

-1187 թ. հոկտեմբերի 2-ին Սալահ ադ Դինը գրավում է Երուսաղեմը՝ խաչակիրների 88 տարվա տիրապետությունից հետո:

-1552 թ. հոկտեմբերի 2-ին Իվան Ահեղը գրավում է թաթարների մայրաքաղաք Կազանը:

-1836 թ. հոկտեմբերի 2-ին Չարլզ Դարվինը վերադառնում է «Բիգլ» նավով հինգ տարի տեւած շուրջերկրյա ճանապարհորդությունից:

-1901 թ. հոկտեմբերի 2-ին ծնվել է Թաթուլ Ալթունյանը՝ հայ կոմպոզիտոր (մահ.՝ 1973 թ.)։

-1936 թ. հոկտեմբերի 2-ին ծնվել է Ֆրիդ Սողոյանը՝ հայ քանդակագործ, ՀԽՍՀ վաստակավոր (1981), ՌԴ ժողովրդական նկարիչ (2004), Ուկրաինայի ԽՍՀ արվեստի վաստակավոր գործիչ (1984)։ ՀՀ ժողովրդական նկարիչ (2017): Քանդակագործներ Վահե եւ Միքայել Սողոյանների հայրը:

-1951 թ. հոկտեմբերի 2-ին ծնվել է Սթինգը՝ անգլիացի երգիչ։

-1968 թ. հոկտեմբերի 2-ին Մեքսիկայի մայրաքաղաք Մեխիկոյում ուսանողների կազմակերպած ցույցը ցրելու համար կառավարությունն օգտագործեց հրազեն, զոհվեց 200-300 մարդ։

-2011 թ. հոկտեմբերի 2-ին մահացել է Վասիլի Ալեքսանյանը՝ ծագումով հայ իրավաբան, «ՅՈՒԿՈՍ» ռուսական նավթային ընկերության փոխտնօրեն (ծնվ.՝ 1971 թ.)։

-1263 թ. հոկտեմբերի 2-ին տեղի ունեցավ Լարգսի ճակատամարտը՝ շոտլանդա-նորվեգական պատերազմի կարեւոր մարտերից մեկը։

-1535 թ. հոկտեմբերի 2-ին ֆրանսիացի ծովագնաց Ժակ Քարտիեն ափ իջավ ներկայիս Կանադայի տարածքում Հոշլեագ տեղանքում՝ անվանելով այն Մոնրեալ։

-1860 թ. հոկտեմբերի 2-ին Սանկտ Պետերբուրգում բացվեց Մարիինյան թատրոնը։