Հայաստանի ֆուտբոլի ազգային ընտրանու ավագ Հենրիխ Մխիթարյանը «Ռոմա»-ի կազմում դարձավ գոլի և գոլային փոխանցման հեղինակ:
«Արմենպրես»-ի հաղորդմամբ` Իտալիայի ֆուտբոլի առաջնության 7-րդ տուրում «Ռոմա»-ն Հռոմի Օլիմպիական մարզադաշտում ընդունեց «Էմպոլի»-ին: Նախ հանդիպման 42-րդ րոպեին Մխիթարյանի փոխանցումից հետո Պելեգրինին առաջ մղեց «գայլներին», իսկ արդեն երկրորդ կեսի 48-րդ րոպեին Մխիթարյանն անձամբ դարձավ գոլի հեղինակ:
«Ռոմա»- «Էմպոլի»` 2:0:
Հայաստանի ֆուտբոլի ազգային թիմի կիսապաշտպան Հենրիխ Մխիթարյանը «Ռոմա»-ի մեկնարկային կազմում էր, բայց փոխարինվեց հանդիպման վերջնամասում:
Այս հաղթանակից հետո «Ռոմա»-ն Սերիա Ա-ի մրցաշարային աղյուսակում 4-րդն է:
