Պատմության հետագծով

-1818 թ. հոկտեմբերի 20-ին Անգլիայի եւ ԱՄՆ-ի միջեւ որոշվում է սահման հյուսիսային  49-րդ  զուգահեռականով:

-1944 թ. հոկտեմբերի 20-ին խորհրդային բանակը եւ հարավսլավական պարտիզանները համատեղ ազատագրում են Բելգրադը:

-1968 թ. հոկտեմբերի 20-ին ԱՄՆ նախկին առաջին տիկին Ժաքլին Քենեդին ամուսնանում է հույն նավատեր Արիստոտել Օնասիսի հետ:

-1925 թ. հոկտեմբերի 20-ին մահացել է Արմենակ Եկարյանը՝ հայ ազատագրական շարժման գործիչ, 1915-ի Վանի ինքնապաշտպանության ղեկավարներից (ծնվ.՝ 1870 թ.):

-1970 թ. հոկտեմբերի 20-ին տեղի ունեցավ ԽՍՀՄ ամենահայտնի «ՍպորտԼոտո» վիճակախաղի առաջին խաղարկությունը:

-1971 թ. հոկտեմբերի 20-ին ծնվել է Սնուփ Դոգը՝ ամերիկացի ռեփեր:

-1982 թ. հոկտեմբերի 20-ին Մոսկվայի Լուժնիկի մարզադաշտում խորհրդային «Սպարտակ» եւ հոլանդական «Հաառլեմ» ֆուտբոլային ակումբների հանդիպման ժամանակ տեղի ունեցած անկարգությունների հետեւանքով մահացավ 66 մարդ, եւս 61-ը վիրավորվեցին:

-1994 թ. հոկտեմբերի 20-ին տպագրվեց «9-րդ հրաշալիք» թերթի առաջին համարը:

-1735 թ. հոկտեմբերի 20-ին ծնվել է Պետրոս Քալանթարյանը՝ հայ բժիշկ:

-1890 թ. հոկտեմբերի 20-ին ծնվել է Տիգրան Խրլոպյանը՝ սփյուռքահայ հասարակական եւ մշակութային գործիչ (մահ.՝ 1968 թ.):

-1899 թ. հոկտեմբերի 20-ին ծնվել է Արմեն Գուլակյանը՝  հայ դերասան, ռեժիսոր, դրամատուրգ եւ թատերական գործիչ։ ՀԽՍՀ ժողովրդական արտիստ (1940 թ.), Ստալինյան մրցանակի երրորդ աստիճանի կրկնակի դափնեկիր (1946 թ., 1950 թ.), պրոֆեսոր (1947 թ.): Ա. Գուլակյանը դերասանուհի Ռոզաննա Գուլակյանի եղբայրն էր:

-1842 թ. հոկտեմբերի 20-ին տեղի ունեցավ Ռիխարդ Վագների «Ռիենցի» օպերայի պրեմիերան։

-1916 թ. հոկտեմբերի 20-ին Սեւաստոպոլում պայթեց «Կայսրուհի Մարիա» ռազմական նավը։

-1921 թ. հոկտեմբերի 20-ին հույն-թուրքական պատերազմների ժամանակ Ֆրանսիան անջատ հաշտություն կնքեց Թուրքիայի հետ, որով հրաժարվեց Թուրքիայի դեմ պայքարից՝ իր զորքերը հանելով Կիլիկիայից, ինչի հետեւանքով, փաստորեն, թուրքերին տրվեց հայկական նոր կոտորածների հնարավորություն։