Պատմության հետագծով

-1493 թ. նոյեմբերի 3-ին Քրիստափոր Կոլումբոսն առաջին անգամ տեսնում է Դոմինիկա կղզին:

-1592 թ. նոյեմբերի 3-ին Մեքսիկայում հիմնադրվում է Սան Լուիս Պոթոսի քաղաքը:

-1783 թ. նոյեմբերի 3-ին Լոնդոնում վերջին անգամ է կախաղանը կիրառվում որպես պատժամիջոց:

-1906 թ. նոյեմբերի 3-ին ծովային ռադիոկապի համար «SOS»-ը դառնում է աղետ ազդարարող միասնական ազդանշան:

-1918 թ. նոյեմբերի 3-ին Լեհաստանն անկախություն է հռչակում Ռուսաստանից:

-1972 թ. նոյեմբերի 3-ին Երևանում բացվում է Գաբրիել Սունդուկյանի հուշարձանը:  Ընդգրկված է Երևանի Կենտրոն վարչական շրջանի պատմության և մշակույթի անշարժ հուշարձանների ցանկում: Քանդակագործ՝ ՀՀ ժողովրդական նկարիչ Արա Հարությունյան: Հուշարձանը կառուցված է նարնջագույն տուֆից, բարձրությունը 4 մետր է:

-1976 թ. նոյեմբերի 3-ին տեղի ունեցավ Երևանի Սուրբ Սարգիս եկեղեցու օծման հանդիսավոր արարողությունը:

-1978 թ. նոյեմբերի 3-ին Դոմինիկան անկախացավ Միացյալ Թագավորությունից:

-1997 թ. նոյեմբերի 3-ին մահացել է Աշոտ Նավասարդյանը` հայ քաղաքական, պետական գործիչ, Հայաստանի հանրապետական կուսակցության հիմնադիր-նախագահը 1990 թվականից:

-1928 թ. նոյեմբերի 3-ին Թուրքիան արաբական այբուբենից անցավ լատինականին։

-1914 թ. նոյեմբերի 3-ին մահացել է Գեորգ Թրակլը` ավստրիացի բանաստեղծ (ծնվ.` 1887 թ.)։

-1954 թ. նոյեմբերի 3-ին մահացել է Անրի Մատիսը` ֆրանսիացի մեծ նկարիչ (ծնվ.` 1869 թ.)։