Պատմության հետագծով

-1942 թ. նոյեմբերի 11-ին նացիստական Գերմանիան ավարտին հասցրեց Ֆրանսիայի օկուպացումը:

-1983 թ. նոյեմբերի 11-ին համացանցում հայտնվեց համակարգչային վիրուսի առաջին նախատիպը:

-1983 թ. նոյեմբերի 11-ին մահացել է Առնո Բաբաջանյանը` հայ կոմպոզիտոր եւ դաշնակահար, հայ մեծագույն երաժիշտներից մեկը (ծնվ.` 1921 թ.): Առնո Բաբաջանյանի ստեղծագործական հարուստ ժառանգությունը ներառում է երգեր, գործիքային կատարումներ, սիմֆոնիկ երաժշտություն։ Նա ստեղծագործել է տարբեր ոճերով՝ դասական, պոպ, ջազ։ Բաբաջանյանի ստեղծագործական ոճը ձեւավորվել է Արամ Խաչատրյանի եւ Սերգեյ Ռախմանինովի ազդեցությամբ։

-1762 թ. նոյեմբերի 11-ին ծնվել է Մկրտիչ Ավգերյանը` աստվածաբան, լեզվաբան-բառարանագիր, թարգմանիչ։ Մխիթարյան միաբանության խորհրդական (30 տարի) եւ ընդհանուր աթոռակալ (20 տարի)։

-1821 թ. նոյեմբերի 11-ին ծնվել է Ֆեոդոր Դոստոեւսկին` ռուս մեծ գրող, գրականագետ, մտածող, փիլիսոփա, հրապարակախոս։ Դոստոեւսկին ռուս գրականության դասականներից է եւ համաշխարհային նշանակության լավագույն վիպագիրներից մեկը: Նրա ստեղծագործություններն իրենց արժանի տեղն են զբաղեցնում համաշխարհային գրականության գանձարանում։ «Կարամազով եղբայրները» համարվում է բոլոր ժամանակների 100 լավագույն վեպերից մեկը: 

-1889 թ. նոյեմբերի 11-ին Վաշինգտոնը դարձավ ԱՄՆ-ի 42-րդ նահանգը։

-1917 թ. նոյեմբերի 11-ին Ռուսաստանում վերացվեցին կոմս եւ բարոն ազնվական տիտղոսները։

-1918 թ. նոյեմբերի 11-ին Անտանտի երկրների եւ Գերմանիայի միջեւ կնքված հրադադարի պայմանագրով ավարտվեց Առաջին համաշխարհային պատերազմը։

-1974 թ. նոյեմբերի 11-ին ծնվել է Լեոնարդո Դի Կապրիոն` ամերիկացի ճանաչված կինոդերասան։

-1975 թ. նոյեմբերի 11-ին Անգոլան անկախացավ Պորտուգալիայից։

Ա. Հ.