Պատմության հետագծով

-1409 թ. դեկտեմբերի 2-ին բացվել է Լայպցիգի համալսարանը։ 19-րդ դարի վերջին եւ 20-րդ դարի սկզբին Լայպցիգի համալսարանում են սովորել բազմաթիվ հայ ուսանողներ։ Նրանց մեծ մասն ուսանել է բժշկություն, փիլիսոփայություն, իրավաբանություն եւ այլն։ Առավել հայտնի են Ավետիք Իսահակյանը, Գարեգին Ա Հովսեփյանը,Հայկ Գյուլիքեւխյանը,Գեւորգ Զ Չորեքչյանը:

-1816 թ. դեկտեմբերի 2-ին Վենետիկ է գալիս Ջորջ Բայրոնը՝ հայոց լեզու սովորելու եւ ծանոթանալու հայ գրականությանը։

-1920 թ. դեկտեմբերի 2-ին ՌՍՖՍՀ լիազոր ներկայացուցչության եւ Հայաստանի Հանրապետության կառավարության միջեւ կնքվեց համաձայնագիր, ըստ որի` Հայաստանը հայտարարվեց անկախ Խորհրդային Սոցիալիստական Հանրապետություն։

-1920 թ. դեկտեմբերի 2-ին Լենինը ողջույնի հեռագիր է հղում Հայաստանի Ռազմա-հեղափոխական կոմիտեի նախագահ Սարգիս Կասյանին Հայաստանում խորհրդային կարգեր հաստատվելու առթիվ։

-1958 թ. դեկտեմբերի 2-ին Երեւանում հիմնվում է սովետա-բուլղարական բարեկամության ընկերության հայկական բաժանմունքը։

-1897 թ. դեկտեմբերի 2-ին ծնվել է Հովհաննես Բաղրամյանը՝ հայ մարշալ, Խորհրդային Միության նշանավոր զորահրամանատարներից մեկը (մահ.՝ 1982 թ.): Հովհ. Բաղրամյանի անունով 1997 թ. ՀՀ պաշտպանության նախարարությունը հիմնել է ,Մարշալ Բաղրամյանե մեդալ, որով պարգեւատրվում են աչքի ընկնող հայ սպաներն ու գեներալները։

-1942 թ. դեկտեմբերի 2-ին Էնրիկո Ֆերմիի ղեկավարությամբ անցկացվեց առաջին կառավարվող միջուկային ռեակցիան:

-1971 թ. դեկտեմբերի 2-ին 6 արաբական էմիրություններ միացան եւ ստեղծեցին Արաբական Միացյալ Էմիրությունները:

-1805 թ. դեկտեմբերի 2-ին Նապոլեոն Բոնապարտի գլխավորած ֆրանսիական ,Մեծ բանակըե Աուստեռլիցի ճակատամարտում ջախջախեց ռուս-ավստրիական բանակին:

-1868 թ. դեկտեմբերի 2-ին ծնվել է Գեւորգ Զ Նորնախիջեւանցին՝ Ամենայն հայոց 129-րդ կաթողիկոսը (մահ.՝ 1954 թ.):

-1891 թ. դեկտեմբերի 2-ին ծնվել է Խորեն Սարգսյանը՝ հայ գրականագետ (վախճ.՝ 1970 թ.)։

-1915 թ. դեկտեմբերի 2-ին մահացել է Կարապետ Տեր-Մկրտչյանը՝ հայ եպիսկոպոս (1909), աստվածաբան, պատմաբան, բանասեր, եկեղեցական գործիչ։ Փիլիսոփայության դոկտոր (1893), աստվածաբանության լիցենցիատ (մագիստրոս, 1894)։