-1912 թ. դեկտեմբերի 21-ին Կ. Պոլսում Հայոց Ազգային ժողովը որոշում ընդունեց Հայկական հարցը բարձրաձայնել Լոնդոնում հրավիրվելիք դեսպանների կոնֆերանսում։
-1917 թ. դեկտեմբերի 21-ին Էջմիածնում փակվեց Գեւորգյան ճեմարանը։
-1920 թ. դեկտեմբերի 21-ին ՀԽՍՀ Հեղկոմի հրամանագրով Խորհրդային Հայաստանի սահմաններում վերանում է «Ռուսական կայսրության հավաք օրինաց»-ը այն փոփոխություններով, որ մտցրել էին ժամանակավոր կառավարությունը, անդրկովկասյան կոմիսարիատն ու սեյմը, Հայաստանի դաշնակցական կառավարությունը։
-1955 թ. դեկտեմբերի 21-ին մահացել է Գարեգին Նժդեհը՝ հայազգի ռազմաքաղաքական, պետական գործիչ, իմաստասեր, «Ցեղակրոն» ազգային գաղափարախոսության հիմնադիր, Հայաստանի առաջին հանրապետության ռազմական եւ պետական գործիչ, Լեռնահայաստանի հանրապետության առաջնորդ, թուրքական եւ բոլշեւիկյան զինված ուժերի դեմ տեղի ունեցած մի շարք պատերազմների ակտիվ մասնակից։ 2016 թ. մայիսի 28-ին, Հայաստանի առաջին հանրապետության 98-ամյակի առթիվ Երեւանում բացվել է Գարեգին Նժդեհի արձանը։
-1851 թ. դեկտեմբերի 21-ին ծնվել է Արփիար Արփիարյանը՝ արեւմտահայ արձակագիր, հրապարակախոս, գրական քննադատ եւ խմբագիր։ Խմբագրել է «Արեւելք» եւ «Մասիս» թերթերը, որոնց շուրջ փորձել է համախմբել ռեալիստական ուղղությանը հարող գրողներին։
-1913 թ. դեկտեմբերի 21-ին ամերիկյան «Ֆան» հանդեսում տպագրվեց առաջին խաչբառը:
-1964 թ. դեկտեմբերի 21-ին մահացել է Մովսես Արազին՝ հայ գրող, արձակագիր, նաեւ թարգմանիչ (ծնվ.՝ 1878 թ.):
-1940 թ. դեկտեմբերի 21-ին ծնվել է Նվարդ Ավագյանը՝ հայ բանաստեղծուհի, արձակագիր, լրագրող։
-1998 թ. դեկտեմբերի 21-ին մահացել է Հրայր Մարուխյանը՝ հասարակական-քաղաքական գործիչ, ՀՅԴ կուսակցության անդամ։
-1375 թ. դեկտեմբերի 21-ին մահացել է Ջովաննի Բոկաչչոն՝ իտալացի նշանավոր գրող եւ բանաստեղծ, հումանիստ (ծնվ.՝ 1313 թ.):
-1937 թ. դեկտեմբերի 21-ին տեղի ունեցավ առաջին լիամետրաժ՝ Ուոլթ Դիսնեյի «Սպիտակաձյունիկը եւ յոթ թզուկները» մուլտֆիլմի պրեմիերան («Ամերիկյան բոլոր ժամանակների 10 լավագույն ֆիլմեր» ըստ 10 ժանրերի ցանկում 1-ինն է մուլտֆիլմերի ցուցակում):
-1968 թ. դեկտեմբերի 21-ին «Ապոլոն 8» տիեզերանավը Երկրից Լուսին թռիչք կատարեց. դարձավ առաջին տիեզերանավը, որ ապահով վերադարձավ Լուսնից:
