Հայաստանի ազատ ոճի ըմբշամարտի հավաքականն Օլիմպիական խաղերի վարկանիշային մրցաշարին կմասնակցի երկու մարզիկով: Այս մասին հայտնում է մարզաձեւի ֆեդերացիան: «Տոկիո-2020»-ի համար վերջին վարկանիշային մրցմանը ազատ ոճայիններից կմասնակցեն 74 կգ քաշային Արման Անդրեասյանը եւ 86 կգ քաշային Հովհաննես Մխիթարյանը:
Ավելի վաղ հայտնի էր դարձել նաեւ հունահռոմեական ոճի ըմբիշների կազմը` Արմեն Մելիքյան (60 կգ), Կարեն Ասլանյան (67 կգ), Արթուր Շահինյան (87 կգ) եւ գերծանր քաշային կարգի Դավիթ Օվասապյան:
