Նահանջ տարի՝ այն տարին է, որը պարունակում է ավելի օր, շաբաթ կամ ամիս, որ պահպանի օրացուցային տարին։ Փետրվար ամիսն ունի 29 օր նահանջ տարիներին, ոչ թե՝ 28: Նահանջ տարին կրկնվում է չորս տարին մեկ։
Ըստ Գրիգորյան օրացույցի՝ նահանջ տարիների թիվը կրճատվում էր այնպես, որ տարվա տեւողությունը դառնա 365.2425 (հուլյան տարուց 10.8 րոպե պակաս) եւ դրանով մեծ ճշտությամբ համապատասխանում էր իրական տարվա տեւողությանը, այնպես որ արդեն հազարամյակների ընթացքում որեւէ փոփոխության կարիք չի լինի։ Այդ նպատակով Հռոմի պապ Գրիգորիոս 13-րդը 1582 թ. իրականացրեց ռեֆորմ։ Ըստ այդ ռեֆորմի, ամեն 400 տարվա մեջ ոչ թե 100 նահանջ տարի է լինում, այլ 97։ Որոշվեց, որ յուրաքանչյուր 4-ի վրա չբաժանվող հարյուրամյակը այդուհետ չի համարվում նահանջ տարի։
Նախկինի նման նահանջ տարին բաժանվում է 4-ի, բայց բացառություն է արվում այն տարիների համար, որոնք 100-ի բաժանվող են։ Այդ տարիները նահանջ տարի են միայն, եթե նաեւ բաժանվում են 400-ի։ Նահանջ տարում ավելանում է լրացուցիչ օր՝ փետրվարի 29-ը։ Այսպիսով՝ նահանջ տարիներ չեն եղել 1700, 1800 եւ 1900 թվականները, իսկ 1600 եւ 2000 թվականները նահանջ տարիներ են։ Նահանջ տարիներ չեն լինելու նաեւ 2100, 2200 եւ 2300 թվականները։ 2020 թվականը նահանջ տարի էր։ Հաջորդ նահանջ տարին կլինի 2024 թվականին։
