«Հարավկովկասյան երկաթուղի» ընկերության գործունեությունը մեծ նշանակություն ունի ինչպես ուղեւորափոխադրումների, այնպես էլ բեռնափոխադրումների ծառայությունների ոլորտում նորարարական բարելավումների զարգացման առումով: Այն սահմանում է երկաթուղային կառույցի առանցքային վեկտորները, լրացուցիչ խթան է հաղորդում Հայաստանի Հանրապետության տնտեսության եւ այլ ոլորտների զարգացմանը։
«Հարավկովկասյան երկաթուղու» կշռադատված եւ ճկուն ներդրումային քաղաքականությունն ապահովում է գնացքների երթեւեկության անվտանգության եւ երկաթուղային տրանսպորտի շահագործման ցուցանիշների աճ: Երկաթուղին հուսալի հենարան է Հայաստանի Հանրապետության զարգացման գործում նոր նախաձեռնությունների եւ նախագծերի համար։
Ներկալումս ՀԿԵ-ն սկսել է իրականացնել ամառային ուղեւորափոխադրումներ։ 2022 թ. հունիսի 14-ից գործարկվել է Երեւան-Բաթումի-Երեւան միջազգային ուղեւորատար գնացքը։ Երեւան-Թբիլիսի-Երեւան ուղեւորատար գնացքն աշխատում է ամբողջ տարին։ Գնացքներն ունեն օդափոխման համակարգ, նոր վագոնները հարմարավետ են ուղեւորների համար։ Տեղական մերձքաղաքային գնացքները երթեւեկում են Գյումրի, Երասխ, Արմավիր, Սեւան, Արաքս, Շորժա ուղղություններով, ինչպես նաեւ գործում է Երեւան-Գյումրի-Երեւան արագընթաց տուրիստական էլեկտրագնացքը։
ՀԿԵ-ի ղեկավարությունը մշակել է երկաթուղու հարակից դպրոցների աշակերտների անվտանգության ապահովման միջոցառումներ, հատկապես ամառային արձակուրդներին: Ընկերության եւ Հայաստանի Հանրապետության տեղական իշխանության մարմինների միջեւ համագործակցության շրջանակներում երկաթուղու աշխատակիցները կազմակերպել են միջոցառումներ եւ հանդիպումներ դպրոցներում՝ աշակերտներին պատմելով եւ ուսուցանելով երկաթուղային ճանապարհներին, կայարաններում վարքագծի կանոնները: Բաժանվել են գեղարվեստական ձեւավորված հուշագրեր, գրքեր եւ այլն։ Դպրոցականների անվտանգության կանոնների եւ արգելքների մասին էկրանին ցուցադրվել են տեսահոլովակներ։ Որոշ իրադարձություններ լուսաբանվել են կենտրոնական եւ տեղական հեռուստաալիքներով։
Վ. ՄԻԿՈՅԱՆ
ՀԿԵ գլխավոր տնօրենի խորհրդական
