Պատմության հետագծով

-1099 թ. հուլիսի 14-ին խաչակիրներն սկսում են Երուսաղեմի գրոհը, հաջորդ օրն այն գրավում են:

-1198 թ. հուլիսի 14-ին մահացել է Ներսես Լամբրոնացին՝ հայ մատենագիր, գիտնական, փիլիսոփա, բանաստեղծ, երաժիշտ, թարգմանիչ (ծնվ.՝ 1153 թ.):

-1602 թ. հուլիսի 14-ին ծնվել է Ջուլիո Մազարինին՝ իտալացի եւ ֆրանսիացի քաղաքական գործիչ:

-1789 թ. հուլիսի 14-ին Բաստիլի գրավումով սկսվեց Ֆրանսիական մեծ հեղափոխությունը:

-1867 թ. հուլիսի 14-ին Ալֆրեդ Նոբելը փորձարկում է իր ստեղծած դինամիտը:

-1922 թ. հուլիսի 14-ին մահացել է Սիմոն Տեր-Պետրոսյանը (Կամո)՝ հայ բոլշեւիկ հեղափոխական գործիչ։

-1928 թ. հուլիսի 14-ին ծնվել է Նոդար Դումբաձեն՝ վրացի գրող:

-1934 թ. հուլիսի 14-ին ծնվել է Ժիրայր Անանյանը՝ դրամատուրգ:

-1959 թ. հուլիսի 14-ին ծնվել է Ռուզան Սարյանը՝ հայ բանասեր, արվեստաբան, բանասիրական գիտությունների թեկնածու (2014): Մարտիրոս Սարյանի տուն-թանգարանի տնօրեն 2004 թվականից։ Մեծանուն նկարիչ Մարտիրոս Սարյանի թոռնուհին է, կոմպոզիտոր, մանկավարժ Ղազարոս Սարյանի եւ Գալինա (Լեսնիկովա) Սարյանի դուստրը։