Հայկական էներգետիկական ակադեմիայի հիմնադիր նախագահ, անվանի գիտնական Ստեփան Պապիկյանը մեծ ծավալի գիտական հետազոտություններ է կատարում էներգետիկայի բնագավառում: Վերջերս ՀՀ ԳԱԱ նախագահ, ակադեմիկոս Ա. Սաղյանի կողմից Ս. Պապիկյանը պարգեւատրվել է ակադեմիայի պատվոգրով` «գիտամանկավարժական բազմամյա եւ բեղմնավոր գործունեության համար»: Ուրախալի է, որ Ս. Պապիկյանի երկարամյա գիտական վաստակը արժեւորվում է նաեւ Հայաստանի հեղինակավոր գիտական կազմակերպության կողմից:
Հարկ է նշել, որ Ս. Պապիկյանը հեղինակ է ավելի քան 200 գիտական աշխատությունների եւ բարձր է պահում Հայաստանի, հայ գիտնականի պատիվն ու հեղինակությունը ոչ միայն մեր երկրում, այլեւ միջազգային տարբեր հարթակներում: Հուսով ենք, որ նա առաջիկայում հանդես կգա նոր գիտական մշակումներով:
Միանում ենք բազմաթիվ շնորհավորանքներին եւ մեր օրաթերթի բարեկամ անվանի գիտնականին մաղթում ենք ստեղծագործական անսպառ եռանդ եւ նորանոր հաջողություններ:
