Հայկական էներգետիկական ակադեմիայի հիմնադիր նախագահ, Ռուսաստանի բնագիտության ակադեմիայի պրոֆեսոր, անվանի գիտնական Ստեփան Պապիկյանը մեծ վաստակ ունի հատկապես էներգետիկայի զարգացման բնագավառում: Մոսկվայում լույս տեսնող հեղինակավոր «Էներգետիկ» գիտական ամսագիրը (այն նաեւ ՌԴ էներգետիկայի նախարարության գիտական ամսագիրն է), որի գլխավոր խմբագիրը ՌԴ գիտությունների ակադեմիայի ակադեմիկոս Է. Պ. Վոլկովն է, մեկ ամբողջ էջ նվիրել է մեր հայրենակից Ս. Պապիկյանի կյանքին եւ գործունեությանը:
Մասնավորապես, բարձր գնահատելով Ս. Պապիկյանի գիտական ժառանգությունը՝ նշվում է հետեւյալը «Исследования С. Р. Папикяна в области энергетики отличаются высоким профессиональным уровнем, хорошим знанием изучаемого материала, свежими и оригинальными подходами к обсуждаемой теме»: Ուրախալի է, որ Ս. Պապիկյանն անընդհատ պրպտումների մեջ է, միջազգային մակարդակում բազմիցս արժանացել է մրցանակների եւ բարձր է պահել Հայաստանի, հայ գիտնականի պատիվն ու հեղինակությունը:
Հարկ է նշել, որ Ս. Պապիկյանը հեղինակ է ավելի քան 200 գիտական աշխա-տությունների եւ բազմաթիվ մենագրությունների: Նրա գիտական աշխատանքները դեռեւս Խորհրդային Միության տարիներին ներդրվել են Մոսկվայի էներգահամակարգում եւ բազմաթիվ կազմակերպություններում: 2017 թ. Արցախի էներգետիկայի զարգացման գործում ունեցած ծանրակշիռ վաստակի համար պարգեւատրվել է ԱՀ պետական պարգեւով` «Երախտագիտություն» մեդալով:
Հ. Ա.
