-1817 թ. հուլիսի 29-ին ծնվել է Հովհաննես Այվազովսկին՝ աշխարհահռչակ հայազգի հանճարեղ ծովանկարիչ Ռուսական կայսրությունում, Պետերբուրգի, Հռոմի, Ֆլորենցիայի, Շտուտգարտի, Ամստերդամի գեղարվեստի ակադեմիաների անդամ, Ռուսական աշխարհագրական ընկերության անդամ (1853), Ռուսական կայսրության պատվավոր ծովակալ, Ռուսաստանի կայսերական ակադեմիայի անդամ։ Լինելով համաշխարհային համբավ ունեցող նկարիչ՝ գերադասում էր ապրել եւ աշխատել իր ծննդավայր Ղրիմում։ Առավել հայտնի է իր ծովանկարներով, որոնք կազմում են նրա գործերի կեսից ավելին։ Այվազովսկին համարվում է բոլոր ժամանակների ամենամեծ ծովանկարիչներից մեկը (մահ.՝ 1900 թ.):
-1856 թ. հուլիսի 29-ին մահացել է Ռոբերտ Շումանը՝ գերմանացի կոմպոզիտոր (ծնվ.՝ 1810 թ.):
-1916 թ. հուլիսի 29-ին ծնվել է Ալիս Սափրիչը՝ հայկական ծագումով ֆրանսիացի դերասանուհի (մահ.՝ 1990 թ.):
-1928 հուլիսի 29-ին ծնվել է Կոնստանտին Օրբելյանը՝ խորհրդային դաշնակահար, դիրիժոր, երգահան։ ՀԽՍՀ (1974) եւ ԽՍՀՄ ժողովրդական արտիստ (1979), (մահ.՝ 2014 թ.)։
-1929 թ. հուլիսի 29-ին ծնվել է Ավետ Տերտերյանը՝ հայ կոմպոզիտոր։ ԽՍՀՄ (1991), ՀԽՍՀ (1984) ժողովրդական արտիստ, ՀԽՍՀ պետական մրցանակի դափնեկիր (1977)։ Ավետ Տերտերյանը համարվում է նոր սիմֆոնիկ ոճի հիմնադիրը։
-1957 թ. հուլիսի 29-ին հիմնադրվում է Ատոմային էներգիայի միջազգային գործակալությունը:
-1973 թ. հուլիսի 29-ին Հունաստանում անցկացված հանրաքվեի արդյունքներով վերացվում է միապետական կարգը:
-1981 թ. հուլիսի 29-ին Լոնդոնում կայացավ Արքայազն Չարլզի եւ Դիանա Սփենսերի հարսանիքը:
