– «Մեզնից շատերը չգիտեն, արդյոք իրենք առեւտուր անելու շնորհք ունե՞ն, թե՞ ոչ: Եթե այդ ձիրքը չունեք, եթե անախորժությամբ եք առեւտուր անում, օրինակ, ասենք փողոցային շուկայում, որտեղ կարելի է սակարկել գների վերաբերյալ կամ քաշվում եք անծանոթներից, լավագույնը, ինչ կարող եք անել՝ ընդունեք եւ հաշտվեք, ինչպես, ասենք, հաշտվել եք այն փաստի հետ, որ միջուկային ֆիզիկոս չեք եւ համապատասխանաբար ծրագրեք ձեր կյանքն ու կարիերան: Չի կարելի թեթեւա-մտորեն մոտենալ գործարարությամբ զբաղվելու որոշմանը» (Փոլ Հոքեն):
– «Առեւտուր անելու ցանկությունը բնազդ է. մարդը կա՛մ ունի, կա՛մ չունի այդ ցանկությունը: Հաջող գործ սկսելու համար հարկավոր է ձեռնարկատեր դառնալու անդիմադրելի ցանկություն: Մարդկանց մեծ մասը գործարարությամբ չի զբաղվում եւ չի ձգտում առեւտրային հաջողության: Ուստի ով ուզում է գործարար դառնալ, պատասխանատվություն է կրում նրանց առաջ, ովքեր նման հավակնություններ չունեն» (Ալիստեր Մաքալփայն):
– «Գնորդների հետաքրքրությունը աճում է ըստ այն բանի, թե որքան բառեր եւ նախադասություններ եք դուք գործածում՝ նկարագրելու համար ձեր արտադրանքի հատկությունները: Եթե, օրինակ, դուք նշում եք ձեր ապրանքի միայն երկու արժանիքը, ապա այն ձեռք բերելու ցանկություն առաջանում է գնորդների 39 տոկոսի մեջ: Հինգ հատկություն նշվելիս՝ նրանց թիվն ավելանում է մինչեւ 73 տոկոսի, իննի դեպքում՝ մինչեւ 80 տոկոսի, տասներկուսի դեպքում՝ 86 տոկոսի, իսկ քսանի դեպքում այդ թիվը հասնում է 91 տոկոսի» (Բոդո Շեֆեր):
– «Հաջողության հասնելու առավել էական, ամենահիմ¬նա¬կան տարրը ազնիվ առեւտրային շրջանառության խստիվ հաս¬տատված օրենքներին անշեղ հետեւելն է» (Ջոն Ռոքֆելլեր):
– «Անհաջողության ամենատարածված պատճառներից մեկը առաջին իսկ ձախողումից հետո գործը կիսատ թողնելն ու հրաժարվելն է: Մեզանից յուրաքանչյուրն էլ մեկ անգամ գոնե կատարել է այդ սխալը» (Նապոլեոն Հիլլ):
– «Արաբների մոտ առեւտրային գործարքը միշտ մի փոքրիկ թատերական ներկայացում է: Սա այն ասպարեզն է, որտեղ եվրոպական եւ արաբական ըմբռնումներն էապես տարբերվում են: Հրավիրելով ձեզ գործարքի՝ արաբ վաճառականը սկզբնապես մարմնացյալ սիրալիրություն է: Առաջին գինը միշտ բազմապատիկ բարձր է իրականից: Բարձր գինն առաջարկելով՝ ապրանքի տերը սկսում է ամեն կերպ գովաբանել այն: Գնորդը ձգտում է գինը գցել: Ապրանքի արժանիքների քննարկումը շարունակվում է մինչեւ պայմանավորվածության ձեռքբերումը: Գնման ընթացքը սովորաբար զուգակցվում է հյուրասիրությամբ՝ հյութեր, սուրճ, թեյ» (Վիկտոր Շեյնով):
– «Ամեն մի նոր մոդելի թողարկման ընթացքում դրա կերպարի ձեւավորումը լայն հասարակայնության աչքերում այնքան կարեւոր է, որ գնահատվում է որպես ճակատամարտում արդեն կիսով չափ տարված հաղթանակ: Որքան ավելի խորն է գովազդային գործակալության մասնակցությունը ավտոշինական կազմակերպության աշխատանքներում, այնքան ավելի են նրանք երկուստեք շահում» (Լի Յակկոկա):
– «Պետք է արտադրել ոչ թե այն, ինչ ուզում է գնորդ-սպառողը, այլ այն, ինչը պետք է ցանկանա գնորդ-սպառողը եւ այդ ամենը պետք է պարուրել խորհրդավո-րությամբ: Գաղտնիքները միշտ էլ հետաքրքրում են մարդկանց» (Սթիվ Ջոբս):
– «Բանակցություններին հարկավոր է վերաբերվել ինչպես խմիչքին՝ չի կարելի չափից դուրս ճնշել դիմացինին» (Ջերալդ Նիրենբերգ):
– «Հարկ է խուսափել ուժային փոխհարաբերությունների դրսեւորումից՝ այդ կերպ նպաստելով բարեկամական մթնոլորտի ձեւավորմանը, միեւնույն ժամանակ՝ զիջում¬ների գնալու չափից դուրս պատրաստակամությունը կարող է գնահատվել իբրեւ թույլ, երերուն դիրքորոշում» (Վիլյամ Մասթենբրուկ):
Պատրաստել է Վ. ՄԻՐԶՈՅԱՆԸ
