-1825 թ. հոկտեմբերի 25-ին ծնվել է Յոհան Շտրաուսը՝ ավստրիացի երգահան, դիրիժոր եւ ջութակահար, ճանաչված է որպես «վալսի արքա», բազմաթիվ պարային ստեղծագործությունների եւ օպերետների հեղինակ։ Օպերետներից առավել հայտնիներն են եւ ներկայումս էլ հաճախ կատարվում են «Չղջիկը» (1874), «Գիշերը Վենետիկում» (1883) եւ «Գնչու բարոնը» (1885), (մահ.՝ 1899 թ.):
-1838 թ. հոկտեմբերի 25-ին ծնվել է Ժորժ Բիզեն՝ ֆրանսիացի երգահան, հեղինակել է նվագախմբային ստեղծագործություններ, ռոմանսներ, դաշնամուրային երկեր, ինչպես նաեւ օպերաներ։ Համարվում է 19-րդ դարի երկրորդ կեսի ֆրանսիացի խոշորագույն կոմպոզիտորներից մեկը։ Նրա լավագույն ստեղծագործություններից են՝ «Կարմեն» օպերան եւ Ալֆոնս Դոդեի «Արլեզիանուհի» դրամայի համար գրված երաժշտությունը (մահ.՝ 1875 թ.):
-1881 թ. հոկտեմբերի 25-ին ծնվել է Պաբլո Պիկասոն՝ իսպանացի նկարիչ, գծանկարիչ, քանդակագործ, կերամիստ։ Կյանքի մեծ մասն անցկացրել է Ֆրանսիայում։ Հայտնի է որպես կուբիզմի հիմնադիր (մահ.՝ 1973 թ.):
-1913 թ. հոկտեմբերի 25-ին ծնվել է Անտոն Քոչինյանը՝ հայ կուսակցական եւ պետական գործիչ։ Հայաստանի կոմունիստական կուսակցության (ՀԿԿ) Կենտկոմի առաջին քարտուղար 1966-1974 թթ. (մահ.՝ 1990 թ.):
-1920 թ. հոկտեմբերի 25-ին ծնվել է Հովհաննես Բարսեղյանը՝ հայ ականավոր լեզվաբան, բանասիրական գիտությունների դոկտոր, պրոֆեսոր (մահ.՝ 2014 թ.):
