Պալմայի տաճար, Սանտա Մարիայի Մայր տաճար, ինչպես նաեւ Լա Սեու՝ Մալյորկայի եպիսկոպոսության գոթական Մայր տաճար, որը Պալմա դե Մալյորկա քաղաքում է (Բալեարյան կղզիներ, Իսպանիա)։
Լա Սեու տաճարի շինարարությունն սկսվել է անմիջապես Մալյորկայի մավրերից ազատագրումից հետո, 1230 թ. Արագոնայի Խայմե 1-ին թագավորի պատվերով, այստեղ ավելի վաղ կառուցված մզկիթի ավերակների տեղում։ Շինարարության շարունակությունը կատարվել է վերջինիս որդու՝ Մալյորկայի թագավոր Խայմե 2-րդի կողմից։ 1302 թ. հիմնադրվեց տաճարի հիմնական հատվածը։ Այն պետք է ծառայեր որպես Մալյորկայի արքաների գերեզմանատուն։ Այնտեղ ամփոփված են Խայմե 2-րդ եւ 3-րդ թագավորների աճյունները։ Շինարարությունն ավարտվել է 1587 թ.։ 1601 թ. ավարտվում է Լա Սեուի գլխավոր մուտքը։ 1882 թ. սկսվեցին տաճարի գլխավոր ճակատամասի աշխատանքները։ Մեծ երգեհոնը տեղադրվել է մալյորկացի Գաբրիել Թոմասի կողմից 18-րդ դարի վերջում (վերակառուցվել է 1993 թ.)։
Սանտա Մարիայի Մայր տաճարը տեղակայված է Պալմա դե Մալյորկայի հարավային մասում՝ ծովափից ոչ հեռու։ Տաճարի առաջին հարկում երկու մատուռների եւ զանգակատան շենքում կա թանգարան (գործում է 1932-ից)։
