Ուտրեխտի մայր տաճար կամ Սուրբ Մարտինի մայր տաճար (հոլ.՝ Dom van Utrecht)՝ գոթական տաճար, որը Նիդերլանդների Ուտրեխտ քաղաքում է։ Համարվում է Նիդերլանդների եզակի թվով պահպանված գոթական տաճարներից մեկը, որը Նիդերլանդներ ժամանած զբոսաշրջիկների ուշադրության կենտրոնում է։
Ուտրեխտի տաճարը կառուցվել է 1254 թ.` որպես Ուտրեխտի եկեղեցական թեմի կրոնական կառույց։ Ունի ընդհանուր հաշվով 112 մետր բարձրություն։ Նիդերլանդներում Մարտին Լյութերի ուսմունքի՝ ռեֆորմացիայի տարածումից հետո այն ծառայել է որպես բողոքական տաճար։ 1672-1673 թթ. Ֆրանսիայի կողմից Նիդերլանդների օկուպացումից հետո այն վերստին դարձել է կաթոլիկ տաճար։ Այնուհետեւ մի որոշ ժամանակ ընդհանրապես չի օգտագործվել կրոնական նպատակներով։ Ծառայում էր որպես զբոսաշրջային կարեւոր եւ տեսարժան օբյեկտ Ուտրեխտ քաղաքում։
Ֆրանսիայի կայսր Նապոլեոն Բոնապարտը 1811 թ. բաժանել է տաճարը աշտարակից՝ այն դարձնելով առանձին շինություն։
