Փիլիսոփա լինել` նշանակում է երկարատեւ զբոսանքների միջոցով, դատողությամբ եւ միայն դատողությամբ՝ a priori, իմանալ այն, ինչը մյուսները հնարավորություն ունեն իմանալու միայն իրենց սեփական սխալներից, ճգնաժամերից, դժբախտ պատահարներից, սնանկություններից, այսինքն՝ a posteriori…. Փիլիսոփա դառնալու համար սկսիր շատ դանդաղ քայլելուց…
Փիլիսոփան օգտագործում է տրամաբանությունը՝ առանց վիճակագրության, տնտեսագետը օգտագործում է վիճակագրությունը՝ առանց տրամաբանության, ֆիզիկոսը երկուսն է օգտագործում է….
Փիլիսոփայի եւ քաղաքական գործչի միջեւ տարբերությունն այն է, որ բանավե-ճերի ընթացքում քաղաքական գործիչը չի փորձում համոզել մյուս կողմին, այլ միայն լսարանին….
Թույլ մարդիկ գործում են հանուն իրենց կարիքների բավարարման, ուժեղ մար-դիկ՝ հանուն պարտականությունների կատարման….
Եթե դու ինչ-որ հիմք ես որոնում` հասկանալու, թե ինչու ես դու ընկերություն անում ինչ-որ մեկի հետ, ապա դուք ընկերներ չեք….
Ես վստահում եմ բոլորին, բացի նրանցից, ովքեր ինձ ասում են, թե իրենք վստահության արժանի մարդիկ են…. Վստահիր նրանց, ովքեր վստահում են քեզ, բայց մի վստահիր նրանց, ովքեր կասկածամիտ են ուրիշների հանդեպ….
Եթե դու ինձ ստում ես, ապա շարունակիր ստել. մի վիրավորիր ինձ՝ անսպա-սելիորեն ճշմարտությունն ասելով…. Ստախոսից լավագույն վրեժխնդրությունն այն կլինի, որ նրանց համոզեք, թե հավատում եք նրա ասածին….
Դուք կարող եք համոզել միայն այն մարդկանց, որոնք մտածում են, որ համոզ-վելուց կարող են օգուտ քաղել….
«Երջանկություն». մենք չգիտենք, թե դա ինչ է նշանակում, ինչպես է չափվում կամ էլ ինչպես հասնել երջանկության, բայց մենք չափից դուրս շատ գիտենք, թե ինչպես խուսափել դժբախտությունից….
Սիրո եւ երջանկության միջեւ տարբերությունն այն է, որ ովքեր խոսում են սի-րուց, հակված են լինում սիրահարվելու, իսկ ովքեր խոսում են երջանկությունից, սովորաբար երջանիկ չեն լինում….
Գործարար պատերազմներում երկու կողմն էլ, որպես կանոն, պարտվում են, ակադեմիական պատերազմներում երկու կողմն էլ շահում են….
Տնտեսագիտությունը զբաղվում է պարզ բաներն ավելի բարդ դարձնելով, մաթեմատիկան՝ բարդ բաները պարզեցնելով….
Մաթեմատիկոսը սկսում է խնդրից եւ առաջարկում լուծում, իսկ խորհրդատուն սկսում է «լուծման» առաջարկից եւ ստեղծում խնդիր….
Երբ որեւէ մեկն սկսում է նախադասությունը «պարզապես» բառով, ուրեմն դուք պետք է ակնկալեք լսելու շատ խրթին բան….
Կրոնն այն մասին չէ, որ մարդուն ասի, թե Աստված կա. կրոնը կանխարգելում է մարդուն այն կարծիքից, թե հենց մարդն ինքն է Աստված….
Սովորաբար, ում մենք անվանում ենք «լավ ունկնդիր», այն մարդն է, որը հմտորեն քողարկում է անտարբերությունը…. Եթե ինչ-որ մեկը ջանք է գործադրում Ձեզ անտեսելու համար, ուրեմն նա Ձեզ չի անտեսում….
Սխալների մեծ մասը վատթարն է դառնում, երբ դուք փորձում եք դրանք ուղղել….
Դու չես լինելու կատարելապես ազատ՝ միայն խուսափելով ստրուկի վերածվե-լուց. դու նաեւ կարիք ունես խուսափելու տեր դառնալուց….
Նրանք նախանձելու են քո հաջողությանը, քո առողջությանը, քո մտքին, քո գրքերին, քո դիրքին, բայց հազվադեպ են նախանձելու քո իմաստնությանը….
Թվում է, թե քննադատները մեղադրում են հեղինակին այն բանի համար, որ վերջինս չի գրել այն գիրքը, որ նրանք կուզենային կարդալ: Բայց իրականում քննա-դատները մեղադրում են հեղինակին, քանի որ վերջինս գրել է հենց այն գիրքը, որ իրենք ցանկացել են գրել, բայց չեն կարողացել:
Պատրաստել է Վ. ՄԻՐԶՈՅԱՆԸ
