Շարտրի տաճար՝ կաթոլիկ տաճար, որը Լուար դեպարտամենտի Շարտր քաղաքում է։ Գտնվում է Փարիզից 90 կմ հարավ-արեւմուտք։ Գոթիկայի ճարտարապետության գլուխգործոցներից է։ 1979 թ. տաճարն ընդգրկվել է ՅՈՒՆԵՍԿՕ-ի Համաշխարհային ժառանգության ցանկում։
Շարտրի տաճարի տեղում հնում եղել են եկեղեցիներ։ 876-ից Շարտրում պահվում է հանգուցյալ Սուրբ Աստվածածնի պատկերով սավան։ Առաջին Մայր տաճարի փոխարեն, որ այրվել է 1020 թ., կառուցվել է հսկայական կրիպտեով ռոմանական տաճար։ Այն դիմացել է 1134 թ. հրդեհին, որն ընդգրկել է գրեթե ողջ քաղաքը, սակայն խիստ տուժել է 1194 թ. հունիսի 10-ի հրդեհից։ Այս հրդեհից, որը բռնկվել էր կայծակից, չեն վնասվել արեւմտյան ճակատի աշտարակները եւ կրիպտեն։ Սուրբ սավանի հրաշագործ փրկությունը կրակից համարվել է սուրբ նշան եւ առիթ դարձել նոր` ավելի մեծ շինության կառուցման համար։
Նոր տաճարի կառուցումն սկսվել է 1194 թ.՝ ամբողջ Ֆրանսիայից հավաքված նվիրատվությունների շնորհիվ։ Քաղաքաբնակները շինանյութ են ներկրել Շարտրի մերձակայքի քարհանքերից։ 2019 թ. ապրիլի 15-ին 13-րդ դարից մինչեւ մեր օրերը հասած տաճարն սկսեց այրվել եւ հավասարվեց հողին։
