Պատմության հետագծով

 -1824 թ. դեկտեմբերի 1-ին Թիֆլիսում բացվեց Ներսիսյան դպրոցը (շարունակեց գործել մինչեւ 1924 թ.):

-1827 թ. դեկտեմբերի 1-ին կայացավ Շուշիի հայկական տպարանի հիմնադրումը:

-1914 թ. դեկտեմբերի 1-ին տեղի ունեցավ Սարիղամիշի օպերացիան, Էնվեր փաշայի բանակի ջախջախումը:

-1917 թ. դեկտեմբերի 1-ին Խորհրդային Ռուսաստանի ազգությունների գործերի ժողովրդական կոմիսարիատին կից Մոսկվայում ստեղծվում է հայկական գործերի կոմիսարիատ, որի կոմիսար է նշանակվում ականավոր պետական գործիչ Վառլամ Ավանեսովը, իսկ տեղակալ՝ բանաստեղծ Վահան Տերյանը:

-1920 թ. դեկտեմբերի 1-ին Ադրբեջանի հեղափոխական խորհուրդը հայտարարեց, որ ճանաչում է Լեռնային Ղարաբաղը, Զանգեզուրը, Նախիջեւանը որպես Հայաստանի բաղկացուցիչ մասեր:

-1923 թ. դեկտեմբերի 1-ին Երեւանում բացվում է Հայաստանի պետական կոնսերվատորիան:

-1941 թ. դեկտեմբերի 1-ին Երեւանում կազմավորվում է 89-րդ Հայկական հրաձգային դիվիզիան՝ գնդապետ Սիմոն Զաքյանի հրամանատարությամբ:

-1955 թ. դեկտեմբերի 1-ին ծնվել է Սերժ Ավետիքյանը՝ ֆրանսահայ ռեժիսոր, դերասան, պրոդյուսեր, սցենարիստ:

-1989 թ. դեկտեմբերի 1-ին Երեւանում կայացած Գերագույն խորհրդի եւ ԼՂԻՄ Ազգային խորհրդի միացյալ նիստում ընդունվեց պատմական որոշում՝ Հայաստանի հետ Լեռնային Ղարաբաղի վերամիավորման մասին: