Պատմության հետագծով

-1598 թ. դեկտեմբերի 7-ին ծնվել է Լորենցո Բերնինին՝ իտալացի նշանավոր քանդակագործ եւ ճարտարապետ (մահ.՝ 1680 թ.):

-1845 թ. դեկտեմբերի 7-ին մահացել է Ռուստամ Ռազան՝ Ֆրանսիայի կայսր Նապոլեոն Բոնապարտի ազգությամբ հայ թիկնապահը (ծնվ.՝ 1780 թ.):

-1971 թ. դեկտեմբերի 7-ին ծնվել է Վլադիմիր Հակոբյանը՝ շախմատի գրոսմայստեր:

-1988 թ. դեկտեմբերի 7-ին, տեղական ժամանակով ժամը 11:41-ին Հայաստանում տեղի ունեցավ ավերիչ երկրաշարժ՝ Սպիտակի երկրաշարժը, Հայաստանի հյուսիսարեւմտյան մասում (այն ժամանակ Խորհրդային Միության կազմում)։ Երկրաշարժի ուժգնությունը կազմել է 6,8-7,2 մագնիտուդ, իսկ ըստ Մեդվեդեւ-Սպենհոյեր-Կարնիկ սանդղակի՝ մակրոսեյսմիկ ինտենսիվությունը 10 (արտասովոր կործանարար)։ Շրջանը խոցելի է հազվադեպ պատահող, բայց ուժեղ եւ ավերիչ երկրաշարժերով, այն Ալպերից մինչեւ Հիմալայներ ձգվող ակտիվ սեյսմիկ գոտու վրա է։ Ստորգետնյա հզոր ցնցումների հետեւանքով կես րոպեում ավերվել է հանրապետության գրեթե ողջ հյուսիսային հատվածը, որտեղ ապրում էր շուրջ 1 մլն մարդ։ Երկրաշարժի էպիկենտրոնում՝ Սպիտակում, ցնցումների ուժգնությունը հասել է մինչեւ 9-10 բալ (ըստ ՄՍԿ-64՝ 12 բալանոց սանդղակի)։ Ստորգետնյա ցնցումներն զգացվել են Երեւանում եւ Թբիլիսիում։ Մոտավորապես 30 000 մարդ զոհվեց։