-1375 թ. դեկտեմբերի 21-ին մահացել է Ջովաննի Բոկաչչոն՝ իտալացի նշանավոր գրող եւ բանաստեղծ, հումանիստ (ծնվ.՝ 1313 թ.):
-1851 թ. դեկտեմբերի 21-ին ծնվել է Արփիար Արփիարյանը՝ հայ գրող, հրապարակախոս։
-1879 թ. դեկտեմբերի 21-ին ծնվել է Իոսիֆ Ստալինը՝ նշանավոր խորհրդային կուսակցական քաղաքական գործիչ, կոմունիստական կուսակցության առաջնորդ։
-1912 թ. դեկտեմբերի 21-ին Կ. Պոլսում Հայոց Ազգային ժողովը որոշում ընդունեց Հայկական հարցը բարձրաձայնել Լոնդոնում հրավիրվելիք դեսպանների կոնֆերանսում։
-1917 թ. դեկտեմբերի 21-ին Էջմիածնում փակվեց Գեւորգյան ճեմարանը։
-1955 թ. դեկտեմբերի 21-ին մահացել է Գարեգին Նժդեհը (ի ծնե՝ Գարեգին Տեր-Հարությունյան (դաս. ուղղ.՝ Գարեգին Տէր-Յարութիւնեան) կամ՝ Գարեգին Առաքել Եղիշեի Տեր-Հարությունյան, հունվարի 1, 1886, Կզնուտ, Նախիջեւանի Ինքնավար Հանրապետություն, Ռուսական կայսրություն – դեկտեմբերի 21, 1955, Վլադիմիրյան ցենտրալ բանտ, Վլադիմիրի մարզ, ԽՍՀՄ)՝ հայազգի ռազմական եւ պետական գործիչ, իմաստասեր, հայ ազգային-ազատագրական շարժման գործիչ, «Ցեղակրոն» ազգային գաղափարախոսության հիմնադիր, Հայաստանի առաջին հանրապետության ռազմական եւ պետական գործիչ, Լեռնահայաստանի հանրապետության առաջնորդ, թուրքական եւ խորհրդային զինված ուժերի դեմ տեղի ունեցած մի շարք պատերազմների ակտիվ մասնակից-հրամանատար։
-1964 թ. դեկտեմբերի 21-ին մահացել է Մովսես Արազին՝ հայ գրող։
